വാഷിംഗ്ടണ്‍ ഡിസി: ലോകത്ത് 24 മണിക്കൂറിനിടെ കോവിഡ് ബാധിച്ച്‌ ആറായിരത്തിലേറെപ്പേര്‍ മരിച്ചെന്ന് റിപ്പോര്‍ട്ട്. ശനിയാഴ്ച രാവിലെ കോവിഡ് മരണങ്ങള്‍ 802,318 ആയിരുന്നു. ഞായറാഴ്ച രാവിലെ ഇത് 808,588 ആയി ഉയരുകയായിരുന്നു. ലോകത്ത് ഇതുവരെ 23,377,806 പേര്‍ക്ക് കോവിഡ് ബാധിച്ചിട്ടുണ്ട്. 15,904,288 പേര്‍ക്ക് രോഗമുക്തി നേടാനായി എന്നത് മാത്രമാണ് ആശ്വാസം നല്‍കുന്ന ഏക ഘടകം.
ജോണ്‍സ് ഹോപ്കിന്‍സ് സര്‍വകലാശാല, വേള്‍ഡോ മീ്റ്റര്‍ എന്നിവയുടെ കണക്കുകള്‍പ്രകാരമാണിത്. അമേരിക്ക, ബ്രസീല്‍, ഇന്ത്യ, റഷ്യ, ദക്ഷിണാഫ്രിക്ക, പെറു, മെക്സിക്കോ, കോളംബിയ, സ്പെയിന്‍, ചിലി എന്നിവയാണ് കോവിഡ് ബാധിതരുടെ എണ്ണത്തില്‍ മുന്നില്‍ നില്‍ക്കുന്ന ആദ്യ പത്ത് രാജ്യങ്ങള്‍. ഈ രാജ്യങ്ങളിലെ കോവിഡ് ബാധിതരുടെ എണ്ണം ഇനിപറയുംവിധമാണ്.
അമേരിക്ക-5,841,428, ബ്രസീല്‍-3,582,698, ഇന്ത്യ-3,043,436, റഷ്യ-951,897, ദക്ഷിണാഫ്രിക്ക-607,045, പെറു-585,236, മെക്സിക്കോ-556,216, കോളംബിയ-533,103, സ്പെയിന്‍-407,879, ചിലി-395,708.
മേല്‍പറഞ്ഞ രാജ്യങ്ങളില്‍ കോവിഡ് ബാധിച്ച്‌ മരിച്ചവരുടെ എണ്ണം അമേരിക്ക-180,174, ബ്രസീല്‍-114,277, ഇന്ത്യ-56,846, റഷ്യ-16,310, ദക്ഷിണാഫ്രിക്ക-12,987, പെറു-27,453, മെക്സിക്കോ-60,254, കോളംബിയ-16,968, സ്പെയിന്‍-28,838, ചിലി-10,792.
ഇറാന്‍, അര്‍ജന്‍റീന, ബ്രിട്ടന്‍, സൗദി എന്നീ രാജ്യങ്ങളിലും കോവിഡ് ബാധിതരുടെ എണ്ണം മൂന്ന് ലക്ഷത്തിനു മുകളിലാണ്. ഏഴ് രാജ്യങ്ങളില്‍ കോവിഡ് രോഗികള്‍ രണ്ടു ലക്ഷത്തിനു മുകളിലാണ്. ഒന്‍പത് രാജ്യങ്ങളില്‍ ഒരു ലക്ഷത്തിനു മുകളില്‍ കോവിഡ് രോഗികള്‍ ഉണ്ട്.
