തിരുവനന്തപുരം: കണ്ടെയ്ന്മെന്റ് സോണ് അല്ലാത്ത സ്ഥലങ്ങളില് മാസ്ക്ക് ധരിക്കലും വാഹനങ്ങളിലെ അധിക യാത്രക്കാരുടെ എണ്ണവും പരിശോധിക്കുന്നതിന് പ്രധാന കേന്ദ്രങ്ങളില് വാഹനപരിശോധന കര്ശനമാക്കുമെന്ന് മുഖ്യമന്ത്രി പിണറായി വിജയന്.
കോണ്ടാക്ട് ട്രേസിംഗ് ഉള്പ്പെടെയുള്ള കാര്യങ്ങള്ക്കായി സബ് ഇന്സ്പെക്ടര്മാരുടെ നേതൃത്വത്തില് പോലീസ് സ്റ്റേഷനുകളില് ഏര്പ്പെടുത്തിയ സംവിധാനം പ്രവര്ത്തനം തുടങ്ങി. കണ്ടെയ്ന്മെന്റ് മേഖലകളില് പോലീസിന്റെ മോട്ടോര് സൈക്കിള് ബ്രിഗേഡിന്റെ സേവനം ശക്തിപ്പെടുത്തി. ജനങ്ങള് കൂട്ടം കൂടുന്ന ആശുപത്രികള്, ബസ് സ്റ്റാന്ഡുകള്, കല്യാണവീടുകള്, മരണവീടുകള്, മാര്ക്കറ്റ്, തുറമുഖം എന്നിവിടങ്ങളില് പോലീസ് പ്രത്യേകം ശ്രദ്ധ ചെലുത്തുന്നുണ്ട്.
പൊതുസ്ഥലങ്ങളില് എല്ലാവരും സാമൂഹിക അകലം പാലിക്കുന്നുണ്ടെന്ന് ഉറപ്പാക്കും. മാസ്ക് ധരിക്കാത്ത 7300 സംഭവങ്ങള് സംസ്ഥാനത്ത് ബുധനാഴ്ച റിപ്പോര്ട്ട് ചെയ്തിട്ടുണ്ട്. ക്വാറന്ൈറന് ലംഘിച്ച നാലു പേര്ക്കെതിരെ കേസ് രജിസ്റ്റര് ചെയ്തു.
