2,98,283 പേര്ക്കാണ് ഇന്ത്യയില് കൊവിഡ് ബാധിച്ചതെന്ന് ലോകത്ത് കൊവിഡ് രോഗികളുടെ എണ്ണം തിട്ടപ്പെടുത്തി പ്രസിദ്ധീകരിക്കുന്ന വേള്ഡോമീറ്റേഴ്സ്.ഇന്ഫോയുടെ കണക്കുകള് സൂചിപ്പിക്കുന്നു. 8321 പേരാണ് വ്യാഴാഴ്ച വരെ ഇന്ത്യയില് മരിച്ചത്. ഇതില് പുതിയ 213 മരണങ്ങള് കൂടി ഉള്പ്പെടും. രാജ്യത്ത് 9,846 പേര്ക്കു കൂടി പുതുതായി കോവിഡ് സ്ഥിരീകരിച്ചു. ഒരു ദിവസം സ്ഥിരീകരിക്കുന്ന ഏറ്റവും കൂടിയ രോഗ, മരണ നിരക്കാണ് കഴിഞ്ഞ 24 മണിക്കൂറില് റിപ്പോര്ട്ട് ചെയ്തത്. നിലവില് ആക്ടീവ് കേസുകള് 1,37,448 ആണ്. 1,41,029 പേര്ക്ക് അസുഖം ഭേദമായി. രോഗമുക്തി നിരക്ക് 49.21 ശതമാനവും മരണനിരക്ക് 2.8 ശതമാനവുമാണ്.
ലോകത്താകമാനം 75,95,791 പേര്ക്കാണ് രോഗം ബാധിച്ചത്. 423819 പേര്ക്ക് ജീവന് നഷ്ടമായി. 3841338 പേര്ക്ക് രോഗം മുക്തമായി. 20.7 ലക്ഷം രോഗികളുള്ള അമേരിക്ക, 7.7 ലക്ഷം രോഗികളുള്ള ബ്രസീല്, 5.02 ലക്ഷം രോഗികളുള്ള റഷ്യ എന്നീ രാജ്യങ്ങളാണ് കോവിഡ് കണക്കില് ഇന്ത്യക്കു മുന്നിലുള്ളത്.
