ന്യൂഡല്‍ഹി : സ്വന്തം വാഹനത്തില്‍ ഒറ്റയ്ക്ക് സഞ്ചരിക്കുന്നവര്‍ നിര്‍ബന്ധമായും മാസ്ക് ധരിക്കണമെന്ന നിര്‍ദേശം നല്‍കിയിട്ടില്ലെന്ന് വ്യക്തമാക്കി കേന്ദ്ര ആരോഗ്യ മന്ത്രാലയം. കാറുകളിലടക്കം ഒറ്റയ്ക്ക് സഞ്ചരിക്കുന്നവര്‍ക്കെതിരെ മാസ്ക് ധരിച്ചില്ലെന്ന കുറ്റത്തിന് പോലീസ് പിഴചുമത്തുന്നുവെന്ന പരാതികള്‍ ഉയരുന്ന പശ്ചാത്തലത്തിലാണ് വിശദീകരണം.
സ്വന്തം വാഹനത്തില്‍ ഒറ്റക്ക് യാത്ര ചെയ്യുമ്ബോള്‍ മാസ്ക് ധരിക്കേണ്ടതില്ല. ടാക്സികളിലും മറ്റും യാത്ര ചെയ്യുമ്ബോള്‍ മാസ്ക് ധരിക്കുകയും സാമൂഹിക അകലം ഉറപ്പുവരുത്തുകയും വേണം. സ്വന്തം വാഹനത്തില്‍ ഒറ്റക്ക് യാത്ര ചെയ്യുമ്ബോള്‍ മാസ്ക് ധരിക്കണമെന്ന് ആരോഗ്യ വകുപ്പ് ഇതുവരെ നിര്‍ദേശം നല്‍കിയിട്ടില്ല.
കൂട്ടമായി സൈക്ലിങ്, ജോഗിങ് തുടങ്ങിയവ ചെയ്യുമ്ബോള്‍ മാസ്ക് ധരിക്കണം. ഒറ്റക്കാണ് ഇവ ചെയ്യുന്നതെങ്കില്‍ മാസ്ക് ധരിക്കണമെന്ന നിര്‍ബന്ധമില്ലെന്നും ആരോഗ്യമന്ത്രാലയം സെക്രട്ടറി രാജേഷ് ഭൂഷണ്‍ പറഞ്ഞു.
