തിരുവനന്തപുരം: സംസ്ഥാനത്ത് സ്കൂളുകള് തുറക്കുന്നതില് ഇന്ന് തീരുമാനമുണ്ടാകും. സ്കൂള് തുറക്കലും പരീക്ഷ നടത്തിപ്പും ചര്ച്ച ചെയ്യാന് മുഖ്യമന്ത്രി വിളിച്ച യോഗം ഇന്നായിരിക്കും നടക്കുക.
യോഗത്തില്, പത്ത്, പന്ത്രണ്ട് ക്ലാസുകള് തുറക്കുന്നതിലും ഈ രണ്ട് ക്ലാസ്സുകളിലെ പരീക്ഷാ നടത്തിപ്പുമായി ബന്ധപ്പെട്ട കാര്യങ്ങളിലും തീരുമാനമെടുക്കും. വിദ്യാഭ്യാസ മന്ത്രി സി. രവീന്ദ്രനാഥും വിദ്യാഭ്യാസ വകുപ്പിലെ ഉദ്യോഗസ്ഥരും യോഗത്തില് പങ്കെടുക്കുമെന്നാണ് ലഭ്യമായ വിവരങ്ങള്. ജനുവരിയോടെ അന്പത് ശതമാനം വിദ്യാര്ത്ഥികളെ ഉള്പ്പെടുത്തി ഒന്നിടവിട്ട ദിവസങ്ങളില് ക്ലാസുകള് നടത്താനാണ് ആലോചിക്കുന്നത്. ഒന്പത് വരെയുള്ള ക്ലാസ്സുകളുടെ കാര്യത്തിലും പ്ലസ് വണ് ക്ലാസ്സുകളുടെ കാര്യത്തിലും ഇപ്പോള് തീരുമാനമുണ്ടാകില്ല.
എസ്എസ്എല്സി, പ്ലസ് ടു പരീക്ഷകള് മാര്ച്ചില് നടത്തുന്നതുമായി ബന്ധപ്പെട്ട കാര്യങ്ങള് ആലോചനയിലാണ്. താഴെയുള്ള ക്ലാസ്സുകളിലെ വാര്ഷിക പരീക്ഷ നടത്തേണ്ടതില്ലെന്നാണ് ഇതുവരെയുള്ള ധാരണ. ഇന്ന് മുതല് പത്ത്, പന്ത്രണ്ട് ക്ലാസ്സുകളിലെ 50% അധ്യാപകരോട് സ്കൂളിലെത്താന് വിദ്യാഭ്യാസ വകുപ്പ് ആവശ്യപ്പെട്ടിട്ടുണ്ട്.
