മുംബൈ: ഐപിഎല്ലില് മുംബൈ ഇന്ത്യന്സിനെതിരായ എല് ക്സാസിക്കോ പോരാട്ടത്തില് ഏഴ് വിക്കറ്റിന്റെ തകര്പ്പന് ജയവുമായി ചെന്നൈ സൂപ്പര് കിംഗ്സ്. 158 റണ്സ് വിജയലക്ഷ്യം പിന്തുടര്ന്ന ചെന്നൈ 11 പന്ത് ബാക്കി നിര്ത്തി മൂന്ന് വിക്കറ്റ് നഷ്ടത്തില് ലക്ഷ്യത്തിലെത്തി.
ചെന്നൈയുടെ തുടര്ച്ചയായ രണ്ടാം ജയവും മുംബൈയുടെ തുടര്ച്ചയായ രണ്ടാം തോല്വിയുമാണിത്. 27 പന്തില് വെടിക്കെട്ട് ബാറ്റിംഗുമായി 61 റണ്സടിച്ച അജിങ്ക്യാ രഹാനെയും 36 പന്തില് 40 റണ്സുമായി പുറത്താകാതെ നിന്ന റുതുരാജ് ഗെയ്ക്വാദും ചേര്ന്നാണ് ചെന്നൈയുടെ ജയം അനായാസമാക്കിയത്.
സ്കോര് മുംബൈ ഇന്ത്യന്സ് 20 ഓവറില് 157-8, ചെന്നൈ സൂപ്പര് കിംഗ്സ് 18.1 ഓവറില് 159-3.



