ന്യൂയോർക്ക്: ഈ വർഷത്തെ യുഎസ് മക്ആർതർ ഫെലോഷിപ്പ് നേടിയ 22 പേരിൽ രണ്ട് ഇന്ത്യൻ വംശജർ. നബറൂൺ ദാസ്‌ഗുപ്തയും മലയാളിയായ ഡോ. തെരേസ പുതുശേരിയുമാണ് പട്ടികയിൽ ഇടം പിടിച്ച ഇന്ത്യൻ വംശജർ.
ജീനിയസ് ഗ്രാൻഡ് എന്ന് അറിയപ്പെടുന്ന ഈ ഫെലോഷിപ്പ് നേടിയവർക്ക് 800,000 ഡോളർ സമ്മാനമായി ലഭിക്കും. നോർത്ത് കാരോലിന സ്റ്റേറ്റ് യൂണിവേഴ്സിറ്റിയിലെ എപ്പിഡെമിയോളജിസ്റ്റാണ് നബറൂൺ ദാസ്‌ഗുപ്ത.
കൺസർവേറ്റീവ് ന്യൂറോബയോളജിയിലും ഓപ്റ്റോമെട്രിയിലും മികവ് പുലർത്തുന്ന ഡോ. തെരേസ പുതുശേരി ബർക്ക്ലിയിലെ യൂണിവേഴ്സിറ്റിയിൽ അസോസിയേറ്റ് പ്രഫസറാണ്.
ഗ്ലോക്കോമ, മാക്കുലാർ ഡിജനറേഷൻ പോലുള്ള രോഗങ്ങൾക്കുള്ള ചികിത്സയിൽ നവീന മാറ്റങ്ങൾക്കുള്ള ഗവേഷണങ്ങൾക്കാണ് ഡോ. തെരേസ പുതുശേരി ശ്രമിക്കുന്നത്.
