സംസ്ഥാനത്തെ മലയോര മേഖലയില് കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട് ജില്ലകളില് ജാഗ്രത നിര്ദേശം നല്കി. കോട്ടയം മുതല് കാസര്കോട് വരെ യെലോ അലര്ട്ട് പ്രഖ്യാപിച്ചു.
കോട്ടയത്തും പത്തനംതിട്ടയിലും കനത്ത മഴ തുടരുകയാണ്. കോട്ടയം കറുകച്ചാല് പുലിയളക്കാലില് മലവെള്ളപ്പാച്ചിലുണ്ടായി. മാന്തുരുത്തിയില് വീടുകളില് വെള്ളംകയറി. നെടുമണ്ണികോവേലി പ്രദേശങ്ങളില് ജലനിരപ്പ് ഉയര്ന്നു. രണ്ട് വീടിന്റെ മതിലുകള് തകര്ന്നു. നെടുമണ്ണി പാലം വെള്ളത്തില് മുങ്ങി.
പത്തനംതിട്ടയില് കോട്ടാങ്ങലിലും ചുങ്കപ്പാറയിലും വീടുകളില് വെള്ളം കയറി. കടകളില് വെള്ളം കയറി വ്യാപക നാശനഷ്ടമുണ്ടായതായുമാണ് വിവരം.
