മധ്യപ്രദേശിലെ ഇന്തോറില് നടന്ന പതിനേഴാമത് പ്രവാസി ഭാരതീയ ദിവസില് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി ലുലു ഗ്രൂപ്പ് ചെയര്മാന് എം.എ. യൂസഫലി. പ്രവാസികളുടെ ക്ഷേമം മുന് നിര്ത്തി കേരള സര്ക്കാര് ആരംഭിച്ച നോര്ക്ക മാതൃകയില് മറ്റു സംസ്ഥാനങ്ങളും ആരംഭിക്കാന് കേന്ദ്ര സര്ക്കാര് നടപടി സ്വീകരിക്കണമെന്ന് അദേഹം സമ്മേളനത്തില് അഭ്യര്ത്ഥിച്ചു.
മധ്യപ്രദേശില് ഭക്ഷ്യ സംസ്കരണ, ലോജിസ്റ്റിക്സ്, റീട്ടയില് മേഖലകളില് നിക്ഷേപിക്കാന് മുഖ്യമന്ത്രി ശിവരാജ് സിങ് ചൗനാന് യൂസഫലിയെ ക്ഷണിച്ചു. സംസ്ഥാനത്തെ നിക്ഷേപവുമായി ബന്ധപ്പെട്ട കൂടുതല് ചര്ച്ചകള് നടത്തുമെന്നും യൂസഫലി മുഖ്യമന്ത്രിയെ അറിയിച്ചു.
