പ്രമേഹം ഉള്ള പലരിലും ഇന്ന് തിമിരവും കണ്ട് വരുന്നുണ്ട്. തിമിരം വന്ന് കഴിഞ്ഞാല് കണ്ണിന്റെ കാഴ്ച്ച സാവധാനത്തില് മങ്ങും. പലരും ഇത്തരം അവസ്ഥ വരുമ്പോള് ഇതിന് ചികിത്സ തേടാറുണ്ട്. പ്രമേഹം വന്ന് കഴിഞ്ഞാല് എന്തുകൊണ്ടാണ് തിമിരവും വരുന്നത്?
നമ്മളുടെ ശരീരത്തില് ഉണ്ടാകുന്ന ഒരു മെറ്റാബോളിക് ഡിസോഡര് ആണ് പ്രമേഹം. ഇതിന്റെ ഭാഗമായാണ് ശരീരത്തില് ഗ്ലോക്കോസ് ലെവല് വര്ദ്ധിക്കുന്നത്. ഇത്തരത്തില് രക്തത്തില് ഗ്ലൂക്കോസ് ലെവല് വര്ദ്ധിക്കുമ്പോള് അത് നമ്മളുടെ ഹൃദയത്തിന്റെ ആരോഗ്യം അപകടാവസ്ഥയിലാക്കുന്നതായി നമുക്ക് അറിയാം. അതുപോലെ തന്നെ, പ്രമേഹ രോഗികളില് സ്ട്രോക്ക് വരാനുള്ള സാധ്യതയും വളരെ കൂടുതലാണ്. ഇവ കൂടാതെ, ഈ പ്രമേഹം നമ്മളുടെ കണ്ണിന്റെ ആരോഗ്യത്തേയും നശിപ്പിക്കുന്നുണ്ട്. ലെന്സിനേയും, റെറ്റിനയേയും, കണ്ണിലെ രക്തധമനികളെ വരെ പ്രമേഹം ബാധിക്കാം.
നമ്മളുടെ ലെന്സ് വളരെ ക്ലിയറും സുതാര്യവുമായിട്ടുള്ള ഒരു വസ്തുവാണ്. ഇത് സ്ഥിതി ചെയ്യുന്നത് ഐറിസ് ന്റെ പുറകിലായിട്ടാണ്. കണ്ണിലേയ്ക്ക് വരുന്ന പ്രകാശത്തെ കൃത്യമായി ഫോകസ് ചെയ്യുന്നതിന് സഹായിക്കുന്നത് ലെന്സാണ്. പ്രോട്ടീന്സ് ഒരു നിശ്ചിത അളവില് കൂടിചേര്ന്നാണ് ഈ ലെന്സ് രൂപപ്പെട്ടിരിക്കുന്നത്. എന്നാല് പ്രമേഹരോഗികളില് ഗ്ലൂക്കോസ് ലെവല് അധികമായതിനാല് ഇവ ലെന്സ് പ്രോട്ടീനില് പറ്റി പിടിച്ച് ഇരിക്കുന്നു. ഇത്തരം അവസ്ഥയെ ഗ്ലൈക്കേഷന് എന്നാണ് വിശേഷിപ്പിക്കുന്നത്.
ഒരു വ്യക്തിയില് ഗ്ലൈക്കേഷന് സംഭവിച്ച് കഴിഞ്ഞാല് അവരുടെ കാഴ്ച്ചയിലും മങ്ങലുകള് കാണാന് സാധിക്കും. ഇത് പിന്നീട് തിമിരത്തിലേയ്ക്ക് എത്തുന്നു. ഇത് കാഴ്ച്ചയില് മങ്ങല്, വെളിച്ചം കണ്ണിലേയ്ക്ക് അടിച്ചാല് അത് താങ്ങാന് പറ്റാത്ത അവസ്ഥ, രാത്രിയില് കണ്ണുകാണാത്തത് എന്നിങ്ങനെ പ്രശ്നങ്ങള് നിങ്ങള്ക്ക് വരാന് സാധ്യതയുണ്ട്. നിങ്ങള്ക്ക് പ്രമേഹം ഉണ്ടെങ്കില് തിമിരത്തിനും സാധ്യത കൂടുതലാണ്. വളരെ നേരത്തെ തന്നെ ഇത് കണ്ടെത്തിയാല് തിമിരത്തിന്റെ വളര്ച്ച തടയാന് സാധിക്കുന്നതാണ്. കാരണം, മറ്റുള്ളവരെ അപേക്ഷിച്ച് പ്രമേഹരോഗികളില് തിമിരം വേഗത്തില് വളരുന്നതായി കണ്ടുവരുന്നു.
കുറച്ചധികം നാളായി പ്രമേഹം ഉള്ളവരാണെങ്കില് നിങ്ങള്ക്ക് തിമിരത്തിന് സാധ്യത കൂടുതലാണ്. ഇത് കൂടാതെ, നിങ്ങളുടെ പ്രായം, ഗ്ലൈസമിക് കണ്ട്രോള് ലെവല്, പാരമ്പര്യം, പ്രമേഹരോഗം മൂലം ഉണ്ടായിട്ടുള്ള മറ്റ് പ്രശ്നങ്ങള് എന്നിവയെല്ലാം തന്നെ തിമിരത്തിന് കാരണങ്ങളാണ്. അതിനാല്, പ്രമേഹം ഉണ്ടെങ്കില് തിമിരം വരാതിരിക്കാനുള്ള മുന്കരുതലുകള് എടുക്കേണ്ടത് അനിവാര്യമാണ്.
ഇതിനായി പ്രമേഹത്തെ നിയന്ത്രിച്ച് നിര്ത്തേണ്ടത് അനിവാര്യം തന്നെ. ഇടയ്ക്ക് പ്രമേഹം പരിശോധിക്കണം. അതുപോലെ, കൃത്യമായി മരുന്ന് കഴിക്കാനും മറക്കരുത്. ഇവ കൂടാതെ, നല്ല ആരോഗ്യകരമായ ജീവിതശൈലി പിന്തുടരാന് മറക്കരുത്. ഇതില് തന്നെ പ്രധാനപ്പെട്ടതാണ് നല്ല ഡയറ്റും അതുപോലെ, വ്യായാമവും.
നമ്മളുടെ കാഴ്ച്ചശക്തി കുറഞ്ഞാല് അത് നമ്മളുടെ മൊത്തത്തിലുള്ള ജീവിതത്തെ തന്നെ ബാധിക്കുന്നുണ്ട്. പലപ്പോഴും തിമിരം ബാധിക്കുന്നവര്ക്ക് സര്ജറി അനിവാര്യമായി വരാറുണ്ട്. ഇതിലൂടെ മൂടികെട്ടിയ ലെന്സ് നീക്കം ചെയ്യുകയും പകരം Artificial Intraocular lens(IOL) സ്ഥാപിക്കുകയും ചെയ്യുന്നു. ഇന്ന് മിക്കവര്ക്കും തിമിരത്തിന് ഇത്തരം സര്ജറി ചെയ്യാറുണ്ട്. ഇതിന്റെ സക്സസ്സ് റേയ്ഞ്ച് കൂടുതലുമാണ്.
ഈ സര്ജറി ചെയ്യുന്നതിന് മുന്പ് ഡോക്ടര്മാര് കുറച്ച് കാര്യങ്ങള് കൂടി പരിഗണിക്കും. രോഗിയുടെ ചികിത്സാ ഹിസ്റ്ററി പരിശോധിച്ച് ആ ഡോക്ടറുമാരുമായി സംസാരിച്ചതിന് ശേഷമാണ് സര്ജറി ചെയ്യുക. ഇതു കൂടാതെ, സര്ജറിക്ക് മുന്പ് ഷുഗര് നിയന്ത്രിക്കേണ്ടതും അനിവാര്യമാണ്. ഇതിനായി ഇടയ്ക്കിടയ്ക്ക് ഗ്ലൂക്കോസ് ലെവല് പരിശോധിക്കുകയും മുറിവെല്ലാം ഉണങ്ങുന്നില്ലെ എന്ന് പരിശോധിക്കുകയും ചെയ്യും. പ്രമേഹരോഗികള് ഇടയ്ക്ക് കണ്ണ് പരിശോധനയ്ക്ക് വിധേയമാകുന്നത് നല്ലതാണ്. ഇത് തിമിരത്തിന്റെ ആരംഭം കണ്ടെത്തുന്നതിന് സഹായിക്കും. അതുപോലെ, പ്രമേഹത്തെ നിയന്ത്രിച്ച് നിര്ത്താനുള്ള മാര്ഗ്ഗങ്ങള് ശ്രദ്ധിക്കുന്നതും തിമിരത്തില് നിന്നും സംരക്ഷണം നല്കും. കണ്ണിനെ എപ്പോഴും അള്ട്രാവയ്ലറ്റ് രശ്മികളില് നിന്നും രശ്മികളില് നിന്നും സംരക്ഷിക്കുന്നത് നല്ലതാണ്. ഇതെല്ലാം തിമിരത്തിന്റെ സാധ്യത കുറയ്ക്കും.
