പാലക്കാട്: ജില്ലയില് ഇന്ന് മൂന്ന് കുട്ടികള് ഉള്പ്പെടെ 24 പേര്ക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര് അറിയിച്ചു. ഇന്ന് അഞ്ച് പേര് രോഗ മുക്തി നേടി. ഇന്ന് രോഗം സ്ഥിരീകരിച്ചവരില് 16 പേര് വിദേശത്ത് നിന്നും 8 പേര് ഇതര സംസ്ഥാനങ്ങളില് നിന്നും എത്തിയവരാണ്.
ഇതോടെ ജില്ലയില് നിലവില് ചികിത്സയിലുള്ള രോഗബാധിതരുടെ എണ്ണം 214 ആയി. നിലവില് ജില്ലയില് ചികിത്സയില് ഉള്ളവര്ക്ക് പുറമേ പാലക്കാട് ജില്ലക്കാരായ അഞ്ച് പേര് മഞ്ചേരി മെഡിക്കല് കോളേജിലും ഒരാള് കണ്ണൂര് മെഡിക്കല് കോളജിലും മൂന്ന്പേര് എറണാകുളത്തും ഒരാള് തിരുവനന്തപുരം മെഡിക്കല് കോളജിലും ഒരാള് കോഴിക്കോട് മെഡിക്കല് കോളജിലും ചികിത്സയില് ഉണ്ട്.
