തിരുവനന്തപുരം: തൃശ്ശൂരിൽ കെ മുരളീധരന്റെ തോൽവി പഠിക്കാൻ കെപിസിസി നിയോഗിച്ച ഉപസമിതി ജൂൺ 18ന് അന്വേഷണം തുടങ്ങും. നാളെ രാവിലെ സമിതിയംഗങ്ങൾ സ്ഥലത്തെ മുതിർന്ന നേതാക്കളുമായി ചർച്ച നടത്തും. തുടർന്ന് തൃശ്ശൂരിലെ വിവിധ മണ്ഡലങ്ങളിൽ തെളിവെടുപ്പിന് എത്തിച്ചേരും. കെസി ജോസഫ്, ടി സിദ്ദിഖ്, ആർ ചന്ദ്രശേഖരൻ എന്നിവരടങ്ങുന്ന സമിതിയാണ് അന്വേഷണം നടത്തുന്നത്.
സമിതിയോട് പരാതി ബോധിപ്പിക്കാനുള്ളവർക്ക് അതിനുള്ള അവസരമുണ്ട്. ഇത് രേഖാമൂലമോ നേരിട്ട് സംസാരിച്ചോ നൽകാൻ കഴിയും.
അതെസമയം തൃശ്ശൂര് ജില്ലാ കോണ്ഗ്രസ് കമ്മിറ്റിയുടെ താല്ക്കാലിക അധ്യക്ഷനായി വി കെ ശ്രീകണ്ഠന് എംപി ചുമതലയേറ്റു. മുതിർന്ന നേതാക്കളുമായി അദ്ദേഹം ചർച്ച നടത്തി. തൃശ്ശൂരിലെ പ്രശ്നങ്ങൾ ഒറ്റക്കെട്ടായി പരിഹരിക്കുമെന്ന് അദ്ദേഹം വ്യക്തമാക്കി. അതെസമയം എം പി വിന്സന്റ് ഉള്പ്പെടെയുള്ള ജില്ലാ നേതാക്കള് ചടങ്ങിന് എത്തിയിരുന്നില്ല.
തൃശൂരിലെ പ്രശ്നങ്ങള് ഉടന് പരിഹരിക്കുമെന്ന് പ്രതിപക്ഷനേതാവ് വി ഡി സതീശൻ കഴിഞ്ഞദിവസം പ്രതികരിച്ചത്.
