ഡാളസ്: അമേരിക്കയിലെ ക്നാനായ കാത്തലിക് റീജിയണിലെ ടീൻസ് മിനിസ്ട്രിയുടെ നേതൃത്വത്തിൽ നടത്തപ്പെടുന്ന ആദ്യത്തെ കോൺഫ്രൺസ് “എബയിഡ്’ന്റെ ഒരുക്കങ്ങൾ പുരോഗമിക്കുന്നു.
അടുത്ത വെള്ളി, ശനി, ഞായർ ദിവസങ്ങളിൽ ഡാളസിൽ വച്ച് നടത്തുന്ന കോൺഫ്രൺസ്, കോട്ടയം അതിരൂപത സഹായ മെത്രാൻ മാർ.ജോസഫ് പണ്ടാരശേരിൽ ഉദ്ഘാടനം ചെയ്യും.
വികാരി ജനറൽ മോൺ. തോമസ് മുളവനാൽ മുഖ്യപ്രഭാഷണം നടത്തും. തുടർന്ന് ഇടയനോടൊപ്പം എന്ന പരിപാടിയിൽ കുട്ടികൾക്കായി പിതാവിന്റെ അഭിമുഖം നടത്തപ്പെടും.
ഓരോ ദിവസവും പ്രഗത്ഭരായവരുടെ വിജ്ഞാന പ്രദമായ ക്ലാസുകളും ഉല്ലാസമുഹൂർത്തങ്ങളും ഉൾച്ചേർത്ത് കോൺഫ്രൺസ് ആകർഷകമാക്കുകയാണ് ലക്ഷ്യമെന്ന് സംഘാടകർ അറിയിച്ചു.
ഡാളസ് ഇടവക വികാരി ഫാ.അബ്രാഹം കളരിക്കൽ, ഫാ.ബിൻസ് ചേത്തലിൽ, ഫാ. ജോസഫ് തച്ചാറ, ജോസഫ് ഇലക്കൊട്ടിക്കൽ, ബിന്റോ കുടകശേരിൽ, റെജിമോൻ തൊട്ടിയിൽ,
ജീബി തോമസ് വട്ടക്കളം, താര തൊട്ടിയിൽ, ആൽബർട്ട് പുഴുക്കരോട്ട്, ലിജിമോൾ തറയിൽ, റ്റെസ്ന വട്ടക്കുന്നേൽ, ആഷ്ലി വില്ലുത്തറ തുടങ്ങിയ കമ്മിറ്റി അംഗങ്ങൾ പരിപാടികൾക്ക് നേതൃത്വം നൽകും.
അമേരിക്കയുടെ വിവിധ ഇടവകയിൽ നിന്നും മിഷനിൽ നിന്നും എത്തുന്ന കുട്ടികൾക്ക് സംഗമം വേറിട്ടൊരു അനുഭവമായി മാറും എന്ന് സംഘാടകർ പറഞ്ഞു.
