മുംബൈ: വാഹന ഗതാഗതത്തിലും ബഹിരാകാശ യാത്രയിലും വിപ്ലവം സൃഷ്ടിച്ച് ശതകോടീശ്വരനായി മാറിയ ഇലോന് മസ്കിന്റെ ഇന്റര്നെറ്റ് സേവനം ഇന്ത്യയിലും വരുന്നതായി റിപ്പോര്ട്ടുകള് . മസ്കിന്റെ ബഹിരാകാശ കമ്ബനിയായ സ്പേസ് എക്സിന്റെ സാറ്റലൈറ്റ് അധിഷ്ഠിത ഇന്റര്നെറ്റ് സേവനമായ സ്റ്റാര്ലിങ്ക് ഇന്ത്യയില് ഉടന് ആരംഭിക്കുമെന്ന് അദ്ദേഹം ട്വിറ്ററില് വ്യക്തമാക്കി.
ഇന്ത്യയില് ഇതുസംബന്ധിച്ച അനുമതിപത്രങ്ങള്ക്കായുള്ള നടപടികളിലാണെന്ന് ട്വിറ്ററിലൂടെ മസ്ക് പ്രതികരിച്ചു. ഉപഗ്രഹങ്ങളുടെ ഒരു ശൃംഖല തീര്ത്ത് ആഗോള ബ്രോഡ്ബാന്ഡ് കണക്ടിവിറ്റി നല്കുകയാണ് സ്റ്റാര്ലിങ്ക് ലക്ഷ്യം വെക്കുന്നത്. സ്പേസ് എക്സ് 2019-ലാണ് സാറ്റലൈറ്റ് ഇന്റര്നെറ്റ് സേവനം ആരംഭിച്ചത്.
