നടിയെ ആക്രമിച്ച കേസിലെ മുഖ്യപ്രതി പള്സര് സുനിക്കെതിരെ വീണ്ടും കേസ്. എറണാകുളം രായമംഗലത്തെ ഹോട്ടലില് കയറി അതിക്രമം കാണിച്ചതിനാണ് പള്സര് സുനിക്കെതിരെ കുറുപ്പംപടി പോലീസ് കേസെടുത്തത്. നടിയെ ആക്രമിച്ച കേസില് കര്ശന വ്യവസ്ഥകളോടെ ജാമ്യത്തില് പുറത്തിറങ്ങിയതിന് പിന്നാലെയാണ് പുതിയ കേസ്.
ഇന്നലെ രാത്രിയിലാണ് സംഭവം. രായമംഗലത്തെ ഹോട്ടലിലെത്തിയ പള്സര് സുനി ഭക്ഷണം ലഭിക്കാന് വൈകിയതില് ക്ഷുഭിതനായി ഹോട്ടല് ജീവനക്കാരോട് അസഭ്യം പറയുകയും വാക്കുതര്ക്കത്തിലേര്പ്പെടുകയും, ചില്ലു ഗ്ലാസുകള് എറിഞ്ഞുടയ്ക്കുകയും ചെയ്തു. ഹോട്ടല് ജീവനക്കാര് നല്കിയ പരാതിയിലാണ് പോലീസ് കേസെടുത്തത്.
