കൊച്ചി: എറണാകുളം തേവര പാലത്തില് അപകടത്തില്പ്പെട്ട ടിപ്പര് ലോറി റോഡിലേക്ക് വലിച്ചു കയറ്റി. രണ്ടു ക്രെയ്നുകള് ഉപയോഗിച്ച് ഇരു ഭാഗത്തു നിന്നും വലിച്ചാണ് ലോറി റോഡിലേക്ക് വലിച്ചു കയറ്റിയത്. ആദ്യ ശ്രമത്തില് പരാജപ്പെട്ടെങ്കിലും പിന്നീട് ഡബിള് റോപ്പ് ഉപയോഗിച്ചാണ് ലോറി വലിച്ചു കയറ്റിയത്.
പാലത്തിലെ ഗതാഗതം പൂര്ണമായും നിര്ത്തിവച്ച ശേഷമാണ് ലോറി ഉയര്ത്തിയെടുത്തത്. ലോറി റോഡിലേക്ക് മാറ്റിയ ശേഷം ഗതാഗതം പുനസ്ഥാപിക്കുകയും ചെയ്തു. പാലത്തില് നിന്നും ലോറി ഇനി അപ്രോച്ച് റോഡിലേക്ക് മാറ്റും. പാലത്തിന്റെ കൈവരി തകര്ത്ത ലോറി മൂന്നു മണിക്കൂറായി പാലത്തില് തൂങ്ങിക്കിടക്കുകയായിരുന്നു.
കായലിലേക്ക് പതിക്കാതെ ലോറി കൈവരിയില് തന്നെ തങ്ങി നില്ക്കുകയായിരുന്നു. അമിത വേഗത്തില് വന്ന ടാങ്കര് ലോറി ഇടിച്ചാണ് ടിപ്പര് ലോറി അപകടത്തില് പെട്ടത് എന്നാണ് വര്ക്കല സ്വദേശിയായ ലോറി ഡ്രൈവര് സുനില് കുമാര് പറഞ്ഞത്.
ലോറി അപകടത്തില് പെട്ടപ്പോള് തന്നെ പുറത്തേക്ക് ചാടിയ സുനില് അത്ഭുതകരമായി രക്ഷപ്പെടുകയായിരുന്നു. ബ്രഹ്മപുരം മാലിന്യ സംസ്കരണ കേന്ദ്രത്തിലേക്ക് പോയ കോര്പ്പറേഷന് മാലിന്യങ്ങള് നീക്കുന്ന കരാര് ലോറിയാണ് അപകടത്തില് പെട്ടത്. വിന്സെന്റ് എന്ന വ്യ ക്തിയുടെ ഉടമസ്ഥതയിലുള്ളതാണ് ഈ വാഹനം.
