ദോഹ: കോവിഡ് രോഗവ്യാപനത്തിന്റെ രൂക്ഷത പരിഗണിച്ച് തയാറാക്കുന്ന രാജ്യങ്ങളുടെ പട്ടികയില് മാറ്റങ്ങളുമായി ഖത്തര് ആരോഗ്യ മന്ത്രാലയം.അതിതീവ്രതയുള്ള വിഭാഗമായ ‘റെഡ് ലിസ്റ്റിലെ’ രാജ്യങ്ങളുടെ എണ്ണം കൂടിയപ്പോള്, ലോ റിസ്ക് വിഭാഗമായ ‘ഗ്രീന് ലിസ്റ്റില്’ നിന്നും കൂടുതല് രാജ്യങ്ങളെ ഒഴിവാക്കി. പുതിയ പട്ടികപ്രകാരം ഗ്രീന് ലിസ്റ്റിലെ എണ്ണം 21ല് നിന്നും 11ലേക്ക് കുറഞ്ഞു.
കോവിഡ് വ്യാപനം ശരാശരി നിലയില് തുടരുന്ന, മഞ്ഞ ലിസ്റ്റിലെ രാജ്യങ്ങള് 33ല് നിന്നും 27ലേക്ക് കുറഞ്ഞപ്പോള്, അതി തീവ്ര വിഭാഗമായ റെഡ് ലിസ്റ്റിന്റെ എണ്ണം വീണ്ടും ഉയര്ന്നു. 153ല് നിന്നും 167ലേക്കാണ് റെഡ് ലിസ്റ്റ് രാജ്യങ്ങളുടെ എണ്ണം കൂടിയത്.അതേസമയം, ഖത്തറില് പ്രത്യേക യാത്രാനയം ബാധകമായ ഇന്ത്യ, നേപ്പാള്, ബംഗ്ലാദേശ്, ശ്രീലങ്ക, പാകിസ്താന്, ഫിലിപ്പീന്സ് എന്നീ ആറ് ഏഷ്യന് രാജ്യങ്ങള് ഒരു ലിസ്റ്റിലും ഇല്ല.
