ന്യൂഡല്‍ഹി: രാജ്യത്ത് കൊവിഡ് ബാധിക്കുന്നവരുടെതു പോലെതന്നെ രോഗമുക്തി നേടിയവരുടെ നിരക്കിലും വര്‍ദ്ധനവ്. 2,58,864 പേര്‍ ഇതുവരെ രോഗ മുക്തി നേടിയെന്നാണ് കേന്ദ്ര ആരോഗ്യ മന്ത്രാലയം അറിയിക്കുന്നത്. നിരക്ക് 56.70%. കഴിഞ്ഞ 24 മണിക്കൂറിനിടെ ആശുപത്രികളില്‍ നിന്ന് 10,495 പേര്‍ രോഗമുക്തി നേടി പുറത്തെത്തി.

സംസ്ഥാനങ്ങളുടെ കണക്ക് നോക്കിയാല്‍ ഏറ്റവും മുന്നില്‍ രാജസ്ഥാനാണ്. 15,627 പേര്‍ക്ക് രോഗം ബാധിച്ചതില്‍ 12,213പേര്‍‌ക്ക് രോഗമുക്തിയുണ്ടായി. 78.15 ശതമാനം പേര്‍ രോഗമുക്തി നേടി. രണ്ടാമത് മദ്ധ്യപ്രദേശാണ് 76.13%. ഇവിടെ 12,261 പേര്‍ക്ക് രോഗം ബാധിച്ചു.9335 പേര്‍ക്ക് രോഗം ഭേദമായി. ബീഹാറാണ് മൂന്നാമത് 8153 പേര്‍ക്ക് രോഗം ബാധിച്ചപ്പോള്‍ 6104 പേ‌ര്‍ക്ക് രോഗം ഭേദമായി. 74.86% പേര്‍ക്ക് രോഗം മാറി. ഗുജറാത്തില്‍ 72.30% പേര്‍ക്ക് രോഗംമാറി. 28,371 പേര്‍ക്ക് രോഗം ബാധിച്ച സംസ്ഥാനത്ത് 20,513 പേര്‍ക്ക് അസുഖം മാറി.ഒഡീഷയിലും 72 ശതമാനം രോഗം ബാധിച്ചവര്‍ക്ക് ഭേദപ്പെട്ടു.

ഝാര്‍ഖണ്ഡ്, പഞ്ചാബ്,ഛത്തീസ്ഗഡ്, ആസാം, ഉത്തര്‍പ്രദേശ് എന്നിവയാണ് തുടര്‍ന്ന് രോഗമുക്തി നിരക്ക് കൂടുതലുള‌ള സംസ്ഥാനങ്ങള്‍. 69.56, 69.29,65.74,64.51,64.12 ശതമാനം എന്നിങ്ങനെയാണ് ഇവിടങ്ങളിലെ നിരക്ക്.