സംസ്ഥാനത്ത് കൊവിഡ് നവജാത ശിശുക്കളേയും കുട്ടികളേയും ബാധിച്ചാല് മുന്നൊരുക്കങ്ങള്ക്കായി ആരോഗ്യ വകുപ്പ് സര്ജ് പ്ലാനും മാര്ഗരേഖയും തയാറാക്കി. കുട്ടികളില് ഉണ്ടാകുന്ന കൊവിഡും കൊവിഡാനന്തര ചികിത്സക്കുമുള്ള മാര്ഗരേഖയാണ് പുറത്തിറക്കിയത്.
മൂന്ന് വിഭാഗങ്ങളായി തിരിച്ചാണ് കുട്ടികള്ക്കുള്ള ചികിത്സ സജ്ജമാക്കുന്നത്. കുട്ടികളെ കൂടുതലായി കൊവിഡ് ബാധിക്കാന് സാധ്യതയുണ്ടെന്ന ആശങ്ക നിലനില്ക്കുന്ന സാഹചര്യം പരിഗണിച്ചാണ് മാര്ഗരേഖ തയ്യാറാക്കിയത്.
അതേസമയം കേരളത്തില് ഇന്ന് 18,853 പേര്ക്ക് കൊവിഡ് സ്ഥിരീകരിച്ചു. മലപ്പുറം 2448, കൊല്ലം 2272, പാലക്കാട് 2201, തിരുവനന്തപുരം 2150, എറണാകുളം 2041, തൃശൂര് 1766, ആലപ്പുഴ 1337, കോഴിക്കോട് 1198, കണ്ണൂര് 856, കോട്ടയം 707, പത്തനംതിട്ട 585, കാസര്ഗോഡ് 560, ഇടുക്കി 498, വയനാട് 234 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
