തിരുവനന്തപുരം: ഓഗസ്റ്റ് അവസാനിക്കുമ്പോള്‍ കേരളത്തിലെ ആകെ ബാധിതര്‍ 75,385 ഉം, കോവിഡ് മരണം 297 ഉം ആയിരിന്നു. ഇന്നലെ വരെ ആകെ കോവിഡ് ബാധിതര്‍ 1,79,922 ഉം, കോവിഡ് മരണങ്ങള്‍ 719 ഉം ആയി. സെപ്തംബറില്‍ മാത്രം 1,04,537 പേര്‍ക്ക് ഇന്നലെ വരെ കോവിഡ് ബാധിച്ചു.
സെപ്തംബറിലെ കോവിഡ് മരണം 422 ആയും ഉയര്‍ന്നു. തിരുവനന്തപുരം ജില്ലയില്‍ തന്നെയാണ് കോവിഡ് ബാധിതരുടെയും മരണത്തിന്റെ എണ്ണവും കൂടുതല്‍. 32559 പേര്‍ക്ക് തിരുവനന്തപുരത്ത് കോവിഡ് ബാധിച്ചപ്പോള്‍ 217 പേര്‍ രോഗമൂലം ബാധിച്ച്‌ മരിച്ചു. കോഴിക്കോട് 70 ഉം, മലപ്പുറത്ത് 67 ഉം എറണാകുളത്ത് 61 ഉം, കാസര്‍ഗോഡ് 51 പേര്‍ കോവിഡ് ബാധിച്ച്‌ മരിച്ചു.
സെപ്തംബര്‍ തുടങ്ങുമ്പോള്‍ പ്രതിദിനം ശരാശരി 5 മരണം എന്നത് ഇപ്പോള്‍ ശരാശരി 20 മരണമായി ഉയര്‍ന്നു. മരണ നിരക്കും ഉയരുകയാണ്. കോവിഡ് മുക്തരാകുന്നവരുടെ കണക്കില്‍ കേരളം പിറകിലാണ്. റിവേഴ്സ് ക്വാറന്റീന്റെ ഭാഗമായി സര്‍ക്കാര്‍ നടത്തിയ കണക്കെടുപ്പില്‍ 42.49 ലക്ഷം വയോജനങ്ങളുടെ വിവരങ്ങള്‍ സമാഹരിച്ചിരുന്നു. ഇതില്‍ 59 ശതമാനവും ഏതെങ്കിലും രോഗത്തിന് മരുന്ന് കഴിക്കുന്നവരാണ്.
10 ശതമാനം പേര്‍ ഹൃദ്രോഗം, വൃക്കസംബന്ധ അസുഖങ്ങള്‍, ശ്വാസകോശ രോഗങ്ങള്‍, അര്‍ബുദം തുടങ്ങി ഗുരുതര ആരോഗ്യപ്രശ്നങ്ങള്‍ നേരിടുന്നവരുമാണ്. നിലവിലെ കോവിഡ് മൂലം മരിച്ചവരില്‍ 80 ശതമാനം മറ്റ് അസുഖങ്ങളുള്ളവരാണ്.
72 ശതമാനം മറ്റ് അസുഖങ്ങളുള്ളവരും. ഈ സാഹചര്യത്തില്‍ മുതിര്‍ന്നവരുടെയും മറ്റ് രോഗങ്ങളുള്ളവരുടെയും സുരക്ഷ ഉറപ്പവരുത്തുന്നതിന് സാമൂഹ്യ നീതി വകുപ്പിന്റെ സഹകരണത്തോടെ പ്രത്യേക സംവിധാനമൊരുക്കുന്നതിനും ആലോചനയുണ്ട്.
18 നും 40 നും മധ്യേ പ്രായമുള്ള 35 പേരും, 41 നും 59 പ്രായപരിധിയിലെ 164 പേരും ഇക്കാലയളില്‍ മരിച്ചിട്ടുണ്ട്. 72 മരണങ്ങള്‍ ഇതുവരെയും കോവിഡ് മരണങ്ങളുടെ പട്ടികയില്‍ ഉള്‍പ്പെടുത്തിയിട്ടില്ല.
മരണങ്ങള്‍ ആദ്യ മരണം- മാര്‍ച്ച്‌ 28മരണം 10- ജൂണ്‍ 1മരണം 50 – ജൂലൈ 23മരണം 100- ആഗസ്റ്റ് 7മരണം 200- ആഗസ്റ്റ് 21മരണം 300-സെപ്റ്റംബര്‍ 2മരണം 400- സെപ്റ്റംബര്‍ 11മരണം 500 – സെപ്റ്റംബര്‍ 18മരണം 600 – സെപ്റ്റംബര്‍ 24മരണം 700 – സെപ്റ്റംബര്‍ 29.
