തിരുവനന്തപുരം: കെ.എസ്.ഇ.ബിയുടെ ‘ഷോക്കടിപ്പി’ക്കുന്ന ബില്ലിനെതിരെ പരാതിപ്രളയം. സിനിമാതാരങ്ങള്‍ ഉള്‍പ്പെടെ പ്രമുഖര്‍ കെ.എസ്.ഇ.ബിക്കെതിരെ രംഗത്തെത്തി. ബോര്‍ഡിനെതിരെ രൂക്ഷമായ ആരോപണവുമായി നടന്‍ മണിയന്‍പിള്ള രാജു ഞായറാഴ്ച രംഗത്തെത്തി. മുന്‍കാലങ്ങളില്‍ ഏഴായിരം രൂപ ബില്ല് വന്നിരുന്ന സ്ഥാനത്ത് ഇപ്പോള്‍ 42,391രൂപ അടയ്ക്കേണ്ട അവസ്ഥയാണെന്നും ഇത് തീവെട്ടിക്കൊള്ളയാണെന്നും മണിയന്‍പിള്ള രാജു മാധ്യമങ്ങളോട് പറഞ്ഞു. ലോക്ഡൗണിനെ തുടര്‍ന്ന് പണി ഇല്ലാത്തതിനാല്‍ മൂന്നുമാസമായി വീട്ടിലുണ്ട്. ജോലിയില്ലാതെ ബുദ്ധിമുട്ടുന്ന സമയത്ത് കഴുത്തില്‍ കയറി ഞെക്കിപ്പിടിച്ചിരിക്കുകയാണ് കെ.എസ്.ഇ.ബിയെന്നും ആദ്ദേഹം ആരോപിച്ചു.
കെ.എസ്.ഇ.ബി ബില്ലില്‍ ‘ഷോക്കടിച്ച്‌’മണിയന്‍പിള്ള രാജുവും, ബോര്‍ഡിനെതിരെ പരാതി പ്രളയം
