ഓണക്കിറ്റ് വിതരണത്തിന്റെ സംസ്ഥാനതല ഉദ്ഘാടനം ആഗസ്റ്റ് 22ന് തിരുവനന്തപുരത്ത് നടക്കും. ആഗസ്റ്റ് 23ന് തന്നെ ഓണക്കിറ്റ് വിതരണം ചെയ്തു തുടങ്ങുമെന്ന് മുഖ്യമന്ത്രി പിണറായി വിജയന് ഫേസ്ബുക്ക് പോസ്റ്റില് അറിയിച്ചു.
ആഗസ്റ്റ് 23, 24 തീയതികളില് എ.എ.വൈ (മഞ്ഞ കാര്ഡ്) കാര്ഡ് ഉടമകള്ക്കും 25, 26, 27 തീയതികളില് പി.എച്ച്.എച്ച് (പിങ്ക്) കാര്ഡുകാര്ക്കും 29, 30, 31 തീയതികളില് എന്.പി.എസ് (നീല) കാര്ഡുകാര്ക്കും സെപ്തംബര് 1, 2, 3 തീയതികളില് എന്.പി.എന്.എസ് (വെള്ള) കാര്ഡുടമകള്ക്കും റേഷന് കടകളില് നിന്ന് കിറ്റ് വാങ്ങാം.
ഈ ദിവസങ്ങളില് കിറ്റ് വാങ്ങാന് സാധിക്കാത്ത എല്ലാ വിഭാഗത്തിലും ഉള്പ്പെട്ട കാര്ഡുടമകള്ക്കും സെപ്തംബര് 4 മുതല് 7 വരെ വാങ്ങാം. സെപ്തംബര് ഏഴിന് ശേഷം ഓണക്കിറ്റ് വിതരണം ഉണ്ടായിരിക്കില്ല. 87 ലക്ഷം റേഷന് കാര്ഡുടമകള്ക്കാണ് കിറ്റ് ലഭ്യമാവുക. സംസ്ഥാനത്തെ 890 ക്ഷേമസ്ഥാപനങ്ങളിലെ 37,634 പേര്ക്കും 119 ആദിവാസി ഊരുകളിലും കിറ്റുകള് വീട്ടുപടിക്കല് എത്തിക്കും. 425 കോടി രൂപയാണ് ഓണക്കിറ്റിനായി സര്ക്കാര് വകയിരുത്തിയിട്ടുള്ളത്.
