തൊടുപുഴ കുടയത്തൂരിലെ ദുരന്തം ഉരുള്പൊട്ടല് സാധ്യതയില്ലാത്ത പ്രദേശത്താണ് ഉണ്ടായതെന്ന് മന്ത്രി റോഷി അഗസ്റ്റിന്. ആവശ്യമെങ്കില് ആളുകളെ മാറ്റിപാര്പ്പിക്കുമെന്ന് പറഞ്ഞ മന്ത്രി ദുരന്തസ്ഥലത്തേക്ക് തിരിച്ചിട്ടുണ്ട്.
ഇടുക്കി കുടയത്തൂര് സംഗമം കവല മാളിയേക്കല് കോളനിയിലാണ് പുലര്ച്ചെ മൂന്ന് മണിയോടെ ഉരുള്പൊട്ടലുണ്ടായത്. അപകടത്തില് ചിറ്റടിച്ചാലില് സോമന്റെ വീട് ഒലിച്ചുപോയി. സോമന്, അമ്മ തങ്കമ്മ , ഭാര്യ ഷിജി മകള് നിമ, നിമയുടെ മകന് ആദിദേവ് ഇവര് മണ്ണിനടിയില് പെട്ടു. ഇതില് തങ്കമ്മയുടെയും ആദിദേവിന്റെയും മൃതദേഹമാണ് കണ്ടെടുത്തത്.
