കൊല്ലം: ഉത്രയെ വിഷപാമ്പിനെ കൊണ്ട് കടിപ്പിച്ച് കൊലപ്പെടുത്തിയ സംഭവത്തില് കേസിന്റെ വിചാരണയുടെ പ്രാരംഭ നടപടികള് ഇന്ന് തുടങ്ങും. കഴിഞ്ഞ ഓഗസ്റ്റ് പതിനാലിനാണ് അന്വേഷണ സംഘം കുറ്റപത്രം സമര്പ്പിച്ചത്.
കൊല്ലം ജില്ലാ സെഷന്സ് കോടതിയാണ് കേസ് പരിഗണിക്കുന്നത്. കേസില് സൂരജ് മാത്രമാണ് പ്രതി. പാമ്പിനെ ഉപയോഗിച്ച് നടത്തിയ കൊലപാതകം, തെളിവുകള് കണ്ടെത്താന് വിദഗ്ദ സമിതി, ഡമ്മി പരിശോധന, ഇങ്ങനെ പോകുന്നു കേസിന്റെ നാള് വഴികള്.
പാമ്പിനെ ഉപയോഗിച്ച് കൊലനടത്തുന്നതിനായി സൂരജ് വിഷപാമ്പുകളെ കുറിച്ച് പഠനം വരെ നടത്തി. ചിറക്കര സ്വദേശിയും പാമ്പുപിടുത്തകാരനുമായ സുരേഷിന്റെ കയ്യില് നിന്നാണ് പാമ്പുകളെ വാങ്ങിച്ചത്.
ഏപ്രില് രണ്ടിന് അടൂരിലെ വീട്ടില് വച്ച് സൂരജ് ഉത്രയെ അണലിയെ കൊണ്ട് കടിപ്പിച്ചു. പക്ഷെ ഉത്ര രക്ഷപ്പെട്ടു. തുടര്ന്ന് ചികിത്സയില് ആയിരിക്കുമ്പോള് മെയ് ആറിന് രാത്രിയില് വീണ്ടും മൂര്ഖനെ ഉപയോഗിച്ച് കടിപ്പിച്ച് കൊലപ്പെടുത്തുക ആയിരുന്നു.
ഉത്ര കൊലപാതക കേസിന്റെ വിചാരണയുടെ പ്രാരംഭ നടപടികള് ഇന്ന് തുടങ്ങും: കേസില് പ്രതി സൂരജ് മാത്രം: കേസ് പരിഗണിക്കുന്നത് കൊല്ലം ജില്ലാ സെഷന്സ് കോടതി
