വാഷിംഗ്ടണ് ഡിസി: അമേരിക്കയിൽ കോവിഡ് വ്യാപനത്തോതിൽ കുറവില്ല. രാജ്യത്തെ കോവിഡ് ബാധിച്ച് മരിച്ചവരുടെ എണ്ണം 1,19,941 ആയി. ജോണ്സ് ഹോപ്കിൻസ് സർവകലാശാലയുടെ ഒൗദ്യോഗിക കണക്കുകൾ പ്രകാരമാണിത്. 22,34,471 പേർക്കാണ് രാജ്യത്ത് കോവിഡ് ബാധിച്ചിട്ടുള്ളത്.
രോഗമുക്തി നേടിയവരുടെ എണ്ണം 9,18,796 ആയി. 11,95,734 പേരാണ് രാജ്യത്ത് നിലവിൽ കോവിഡ് ബാധിതരായി ചികിത്സയിലുള്ളത്. ഇതിൽ 16,644 പേരുടെ നില ഗുരുതരമാണെന്നാണ്് റിപ്പോർട്ട്. വ്യാപനത്തിൽ മുന്നിൽ നിൽക്കുന്ന 10 സംസ്ഥാനങ്ങളിലെ കണക്കുകൾ ഇനി പറയും വിധമാണ്.
രോഗബാധിതർ: ന്യൂയോർക്ക്- 4,06,367, ന്യൂജഴ്സി- 1,70,599, കാലിഫോർണിയ- 1,63,220, ഇല്ലിനോയിസ്- 1,34,185, മസാച്യുസെറ്റ്സ്- 1,06,151, ടെക്സസ്- 99,304, പെൻസിൽവാനിയ- 84,399, ഫ്ളോറിഡ- 82,719, മിഷിഗണ്- 66,497, മെരിലാൻഡ്- 62,969.
കോവിഡ് ബാധിച്ച് മരിച്ചവർ: ന്യൂയോർക്ക്- 31,046, ന്യൂജഴ്സി- 12,891, കാലിഫോർണിയ- 5,286, ഇല്ലിനോയിസ്- 6,485, മസാച്യുസെറ്റ്സ്-7,734, ടെക്സസ്- 2,105, പെൻസിൽവാനിയ- 6,388, ഫ്ളോറിഡ- 3,021, മിഷിഗണ്- 6,036, മെരിലാൻഡ്- 2,996.
