ഹൈദരാബാദ്: തെലുങ്കാന ബിജെപി അധ്യക്ഷന് ബന്ദി സഞ്ജയ് കുമാറിനെതിരെ രൂക്ഷ വിമര്ശനവുമായി ടിആര്എസ്. സഞ്ജയ് കുമാര് അമിത് ഷായ്ക്ക് ചെരിപ്പ് എടുത്തു നല്കുന്നതിന്റെ ദൃശ്യങ്ങള് പ്രചരിച്ചതിന് പിന്നാലെയാണ് മുഖ്യമന്ത്രി കെ. ചന്ദ്രശേഖര് റാവുവിന്റെ മകനും മന്ത്രിയും ടിആര്എസ് നേതാവുമായ കെ.ടി. രാമറാവു രൂക്ഷഭാഷയില് വിമര്ശനം ഉന്നയിച്ചത്.
തെലുങ്കാനയിലെ ബിജെപി നേതാക്കള് ഗുജറാത്തുകാരുടെ അടിമകളാണെന്നും തെലുങ്കാനയുടെ ആത്മാഭിമാനത്തെ ഇകഴ്ത്താനുള്ള ഏതൊരു ശ്രമവും ചെറുക്കുമെന്നും കെ.ടി. രാമറാവു ട്വിറ്ററില് കുറിച്ചു. സെക്കന്തരാബാദിലെ ഉജ്ജയിനി മഹാകാളി ക്ഷേത്രം സന്ദര്ശിക്കുന്നതിനിടെയാണ് തെലുങ്കാന ബിജെപി അധ്യക്ഷന് അമിത് ഷായ്ക്ക് ചെരുപ്പെടുത്തു കൊടുത്തത്.
