ദുബൈ: പേരോ നാടോ അറിയില്ല, നന്നായി മലയാളവും ഇംഗ്ലീഷും സംസാരിക്കും. ഓര്മശേഷി നഷ്ടപ്പെട്ട, പരസ്പര വിരുദ്ധമായ കാര്യങ്ങള് സംസാരിക്കുന്ന യുവതി ബന്ധുക്കളെ തേടി അലയുന്നു. ബര്ദുബൈ ക്ഷേത്രത്തിനടുത്തെ ആല്ത്തറയിലാണ് ജീവിതം കഴിച്ചുകൂട്ടുന്നത്. എമിറേറ്റ്സ് ഐ.ഡിയോ പാസ്പോര്ട്ടോ വിസയോ എവിടെയാണെന്ന് അറിയില്ല. ചിലപ്പോള് പറയും ആലപ്പുഴയാണ് വീടെന്ന്. ഇടക്ക് പറയും തിരുവനന്തപുരത്താണെന്ന്. യു.എ.ഇയിലെ നിയമങ്ങളെ കുറിച്ച് നല്ല ഓര്മയുണ്ട്.
1996 മുതല് 2001 വരെ യു.എ.ഇയിലെ ഒരു സ്ഥാപനം നടത്തിയിരുന്നതായി പറയുന്നുണ്ട്. സാമൂഹിക പ്രവര്ത്തകര് അന്വേഷിച്ചപ്പോള് ഇങ്ങനൊരു സ്ഥാപനം ഉണ്ടായിരുന്നു എന്നാണ് അറിയാന് കഴിഞ്ഞത്. എന്നാല്, ഇത് 2001ല് പൂട്ടിപോയി. ഭര്ത്താവിെന്റ പേര് ബാലു എന്നാണ് പറയുന്നത്. ഏകദേശം 40–45 വയസ് പ്രായം തോന്നിക്കും. ഇവരുടെ ബന്ധുക്കളോ പരിചയക്കാരോ ഉണ്ടെങ്കില് നാട്ടിലേക്ക് കയറ്റി അയക്കാന് സൗകര്യം ഏര്പെടുത്താമെന്നാണ് യു.എ.ഇ അധികൃതരും ഇന്ത്യന് കോണ്സുലേറ്റും അറിയിച്ചിരിക്കുന്നത്. എന്തെങ്കിലും വിവരം ലഭിക്കുന്നവര് താഴെ കാണുന്ന നമ്ബറില് ബന്ധപ്പെടണം: 0097155 5712550 (ഷിജു ബഷീര്).
