ശശി തരൂർ എംപി ഓർത്തഡോക്സ് സഭാ അധ്യക്ഷൻ ബസേലിയോസ് മാർത്തോമ മാത്യൂസ് തൃതീയൻ കാതോലിക്കാ ബാവയെ സന്ദർശിച്ചു. വൈകിട്ട് 6.30 ഓടെയാണ് സഭാ ആസ്ഥാനമായ ദേവലോകം അരമനയിൽ അദ്ദേഹം എത്തിയത്. കോൺഗ്രസിനെ വീണ്ടും ശക്തിപ്പെടുത്താൻ കേരളത്തിൽ പ്രവർത്തിക്കണമെന്ന് തരൂരിനോട് ബാവ പറഞ്ഞു.
ഇത്തവണ പ്രതിപക്ഷത്ത് ആകാൻ കാരണം കോൺഗ്രസ് ശക്തമല്ലാത്തതുകൊണ്ടാണ്.തുടർച്ചയായി രണ്ടു തവണ പ്രതിപക്ഷത്ത് ആയത് കോൺഗ്രസിന്റെ അപചയമാണന്നും ബാവ പറഞ്ഞു. കേരളത്തിൽ മാറിമാറിയുള്ള ഭരണമാണ് നല്ലതെന്ന് ബാവ കൂട്ടി ചേർത്തു.
ബാവായുടെ വാക്കുകൾ ബഹുമാനത്തോടെ കേട്ടുവെന്ന് തരൂർ പ്രതികരിച്ചു. കേരളത്തിൽ സജീവമായി ഉണ്ടാകും. താൻ തറവാടി നായരാണെന്ന പ്രയോഗത്തോട് പ്രതികരിക്കാനില്. എൻഎസ്എസ് ജനറൽ സെക്രട്ടറിയുടെ പ്രസ്താവനയെ പറ്റി അദ്ദേഹത്തോട് തന്നെ ചോദിക്കണം. തന്റെ മനസ്സിലോ പ്രവർത്തിയിലോ ജാതിയില്ല. തന്റെ വീട്ടിൽ ജോലി ചെയ്യുന്നവരുടെ ജാതി പോലും തനിക്കറിയില്ലന്നും ശശി തരൂർ പറഞ്ഞു.
