വിദേശ രാജ്യങ്ങളില്‍ കുടുങ്ങിയ ഇന്ത്യക്കാരെ തിരികെയെത്തിക്കാനുള്ള വന്ദേഭാരത് ദൗത്യത്തിന്‍റെ മൂന്നാം ഘട്ടത്തിന് ഇന്ന് തുടക്കം. നാല്‍പത്തി മൂന്ന് രാജ്യങ്ങളിലേക്കായി 386 സര്‍വീസുകളാണ് മൂന്നാം ഘട്ടത്തില്‍ ഉള്ളത്. 76 സര്‍വ്വീസുകള്‍ കേരളത്തിലേക്കുണ്ട്.
വന്ദേഭാരത് മിഷന്റെ രണ്ട് ഘട്ടങ്ങള്‍ പിന്നിടുമ്ബോള്‍ രജിസ്റ്റര്‍ ചെയ്ത 55 ശതമാനം ആളുകളും നാട്ടില്‍ തിരിച്ചെത്തിയിട്ടുണ്ട്. ഇനി 45 ശതമാനം ആളുകളെ മാത്രമാണ് നാട്ടില്‍ തിരിച്ചെത്തിക്കാന്‍ ഉള്ളത്.ചാര്‍ട്ടേഡ് ഫ്ലൈറ്റുകളിലെ നിരക്ക് വര്‍ധനയും കൂടുതല്‍ സ്വകാര്യ വിമാനങ്ങളെ ദൗത്യത്തിന്‍റെ ഭാഗമാക്കാത്തതും പ്രവാസികളുടെ മടക്കത്തിന് പ്രതിസന്ധിയാകുന്നുണ്ട്.
