തിരുവനന്തപുരം : മന്ത്രി വി.എസ്. സുനില്‍കുമാറിന്‍റെ കൊവിഡ് പരിശോധനാ ഫലം നെഗറ്റീവ് . മന്ത്രിയുടെ അഡീഷണല്‍ പ്രൈവറ്റ് സെക്രട്ടറിയുടെയും പരിശോധനാ ഫലം നെഗറ്റീവ് ആണ് . എന്നാല്‍ ഇരുവരോടും 14 ദിവസത്തേക്ക് ക്വാറന്‍റൈനില്‍ കഴിയാന്‍ ആരോഗ്യവകുപ്പ് നിര്‍ദേശിച്ചു . ഇരുവരും ഈ മാസം 28 വരെ മന്ത്രിയുടെ ഔദ്യോഗിക വസതിയില്‍ ക്വാറന്‍റൈനില്‍ തുടരും .
എറണാകുളം ജില്ലയിലെ കോവിഡ് പ്രതിരോധ പ്രവര്‍ത്തനങ്ങള്‍ക്ക് നേതൃത്വം നല്‍കുകയായിരുന്ന മന്ത്രി സുനില്‍കുമാറും കോവിഡ് സ്ഥിരീകരിക്കപ്പെട്ട ആരോഗ്യപ്രവര്‍ത്തകയും ഈ മാസം 15-ന് നടന്ന യോഗത്തില്‍ പങ്കെടുത്തിരുന്നു . തൃശൂര്‍ കോര്‍പറേഷന്‍ ഓഫീസിലായിരുന്നു യോഗം ചേര്‍ന്നത് . ആരോഗ്യവിഭാഗം ഉദ്യോഗസ്ഥയടക്കം 7 പേര്‍ക്ക് കോര്‍പറേഷനില്‍ കോവിഡ് ബാധിച്ചിട്ടുണ്ട് .
