റായ്ഗഡ് : മഹാരാഷ്ട്രയില്‍ ബഹുനില കെട്ടിടം തകര്‍ന്നുവീണു. നിരവധി ആളുകള്‍ തകര്‍ന്ന കെട്ടിടത്തിന്‍റെ അവശിഷ്ടങ്ങളില്‍ കുടുങ്ങിക്കിടക്കുന്നതായി സംശയിക്കുന്നു.
റായ്ഗഡ് ജില്ലയില്‍ തിങ്കളാഴ്ച വൈകിട്ടാണ് അപകടമുണ്ടായത്. ധാരാളം കുടുംബങ്ങള്‍ താമസിക്കുന്ന കെട്ടിടമാണ് തകര്‍ന്നത്. സ്ഥലത്ത് ദേശീയ ദുരന്ത നിവാരണ സംഘമെത്തി രക്ഷാപ്രവര്‍ത്തനങ്ങള്‍ ആരംഭിച്ചതായി വാര്‍ത്താ ഏജന്‍സിയായ എ.എന്‍.ഐ റിപ്പോര്‍ട്ട് ചെയ്തു. 15 പേരെ പരിക്കുകളോടെ രക്ഷപ്പെടുത്തി. 70 പേര്‍ കെട്ടിട അവശിഷ്ടങ്ങള്‍ക്കിടയില്‍ കുടുങ്ങി കിടക്കുന്നതായാണ് പ്രാഥമിക വിവരം. കൂടുതല്‍ വിവരങ്ങള്‍ ലഭ്യമല്ല. രക്ഷാപ്രവര്‍ത്തനം തുടരുകയാണ്.
