ചെങ്ങന്നൂര്‍: ചെങ്ങന്നൂര്‍ ബുധനൂരില്‍ വീടിന് മുന്നില്‍ പൊട്ടിവീണ വൈദ്യുത ലൈനില്‍ നിന്ന് ഷോക്കേറ്റ് ഒരു കുടുംബത്തിലെ രണ്ടുപേര്‍ മരിച്ചു.
കടമ്ബൂര്‍ പടനശ്ശേരിയില്‍ ഓമന(65), മരുമകള്‍ മഞ്ജു(32) എന്നിവരാണ് മരിച്ചത്.
വെള്ളിയാഴ്ച രാവിലെ പതിനൊന്നരയോടെയായിരുന്നു അപകടം. വീടിന് മുറ്റത്തെ മരച്ചില്ല ഒടിഞ്ഞുവീണാണ് വൈദ്യുത ലൈന്‍ പൊട്ടിയത്.രാവിലെ മഞ്ജുവിന്റെ ആറുവയസുള്ള കുട്ടി കളിക്കുന്നതിനിടെ വൈദ്യുത ലൈനില്‍ പിടിക്കാന്‍ ശ്രമിക്കവെ രക്ഷിക്കാന്‍ എത്തിയതായിരുന്നു ഓമന.ഓമനയെ രക്ഷിക്കാന്‍ ശ്രമിക്കുന്നതിനിടയില്‍ മഞ്ജുവിനും ഷോക്കേല്‍ക്കുകയായിരുന്നു.
അതേ സമയം ആറുവയസ്സുള്ള കുട്ടി അപകടനില തരണം ചെയ്തു.ഇരുവരുടേയും മൃതദേഹങ്ങള്‍ മോര്‍ച്ചറിയിലേക്ക് മാറ്റി.
