വാഷിംഗ്ടണ്‍ ഡിസി: അമേരിക്കന്‍ പ്രസിഡന്‍റ് ഡോണള്‍ഡ് ട്രംപ് സഞ്ചരിച്ച എയര്‍ഫോഴ്സ് വണ്‍ വിമാനത്തിന്‍റെ സമീപത്തുകൂടി ഡ്രോണ്‍ പറന്ന സംഭവത്തില്‍ അന്വേഷണം ആരംഭിച്ചു. മഞ്ഞയും കറുപ്പും നിറത്തിലുള്ള ചെറിയ ഡ്രോണാണ് എയര്‍ ഫോഴ്സ് വണ്ണിന്‍റെ വലതുവശത്തൂടെ കടന്നുപോയത്.
അതീവ സുരക്ഷാ മേഖലയിലൂടെ ഡ്രോണ്‍ പറന്ന സംഭവത്തില്‍ എയര്‍ഫോഴ്സ് ഫെഡറല്‍ ഏവിയേഷന്‍ അഡ്മിനിസ്ട്രേഷന്‍ റിപ്പോര്‍ട്ട് തേടി. ഇക്കാര്യത്തില്‍ വിശദമായ അന്വേഷണവും തുടങ്ങിയെന്നാണ് അധികൃതര്‍ നല്‍കുന്ന വിവരം.
ഞായറാഴ്ച രാത്രി വാഷിംഗ്ടണിനു സമീപമുള്ള വ്യോമതാവളത്തില്‍ വിമാനം ലാന്‍ഡ് ചെയ്യുന്നതിനിടെയാണ് ഡ്രോണ്‍ കടന്നു പോയത്. അതീവ സുരക്ഷ മേഖലയിലൂടെ ഡ്രോണ്‍ കടന്നുപോയ സംഭവത്തെ നിസാരമായി കാണാനാവില്ലെന്നാണ് അധികൃതര്‍ വ്യക്തമാക്കിയിരിക്കുന്നത്.
