കൊല്ലം നെടുവത്തൂരിൽ കിണറ്റിൽ ചാടിയ യുവതിയെ രക്ഷിക്കാൻ ശ്രമിക്കുന്നതിനിടെ മൂന്ന് പേർക്ക് ദാരുണാന്ത്യം. കൊട്ടാരക്കര ഫയർ & റസ്ക്യൂ യൂണിറ്റ് അംഗമായ ആറ്റിങ്ങൽ സ്വദേശി സോണി എസ്. കുമാർ (36), കിണറ്റിൽ ചാടിയ നെടുവത്തൂർ സ്വദേശിനി അർച്ചന (33), സുഹൃത്ത് ശിവകൃഷ്ണൻ (22) എന്നിവരാണ് മരിച്ചത്. ഇന്ന് പുലർച്ചെ 12.15ന് ആണ് സംഭവം നടന്നത്.
പുലര്‍ച്ചെയാണ് യുവതി കിണറ്റിൽ വീണത് അറിയിച്ച് കൊട്ടാരക്കര ഫയർഫോഴ്സിന് ഫോണ്‍ കോള്‍ വരുന്നത്. സ്ഥലത്തെത്തിയ ഫയർഫോഴ്സിനെ അർച്ചനയുടെ മക്കളാണ് വഴിയിൽ നിന്ന് വീട്ടിലേക്ക് കൊണ്ടുപോയത്.
80 അടി താഴ്ചയുള്ള കിണറായിരുന്നു. യൂണിറ്റ് അംഗമായ സോണി റോപ് അടക്കമുള്ള സംവിധാനങ്ങൾ ഉപയോഗിച്ച് താഴെയിറങ്ങി. യുവതിയെ മുകളിലേക്ക് കയറ്റാൻ ശ്രമിക്കുമ്പോൾ കിണറിൻ്റെ കൈവരി ഇടിഞ്ഞ് അപകടം ഉണ്ടായി.
