തിരുവനന്തപുരം: വയനാട്ടിൽനിന്നു ബംഗളൂരുവിലേക്കുള്ള രാത്രിയാത്ര സംബന്ധിച്ച പ്രശ്നത്തിന് ശാശ്വത പരിഹാരമുണ്ടാക്കുമെന്ന് കർണാടക ഉപമുഖ്യമന്ത്രി ഡി.കെ. ശിവകുമാർ.
വയനാട് എംപി പ്രിയങ്ക ഗാന്ധി ഇതുസംബന്ധിച്ച നിവേദനം നൽകിയിട്ടുണ്ട്. വനം വകുപ്പുമായി ബന്ധപ്പെട്ട ചില വിഷയങ്ങളുണ്ട്. മനുഷ്യ-മൃഗ സംഘർഷമുണ്ട്. അതെല്ലാം പരിഗണിച്ച് ചർച്ച ചെയ്ത് വേഗത്തിൽ തീരുമാനമെടുക്കുമെന്നും അദ്ദേഹം വ്യക്തമാക്കി.
