തിരുവനന്തപുരം: നിയമസഭാ തെരഞ്ഞെടുപ്പിന്റെ വോട്ടെണ്ണൽ പുരോഗമിക്കുന്നു. പോസ്റ്റൽ വോട്ടുകൾ എണ്ണിത്തുടങ്ങിയപ്പോൾ എൽഡിഎഫും യുഡിഎഫും ഒപ്പത്തിനൊപ്പം മുന്നേറുകയാണ്. ചില മണ്ഡലങ്ങളിൽ ഇലക്ട്രോണിക് വോട്ടിംഗ് മെഷിനുകളിലെ വോട്ടുകൾ എണ്ണിത്തുടങ്ങി.
അരൂരിൽ ഷാനിമോൾ ഉസ്മാനും തൃക്കാക്കരയിൽ ഉമ തോമസും ലീഡ് ചെയ്യുന്നു. തൃത്താലയിൽ വി.ടി. ബൽറാം 204 വോട്ടുകൾക്ക് മുന്നിലാണ്. പൂഞ്ഞാറിൽ സജി ജോസഫ് മുന്നേറ്റം നടത്തുകയാണ്.
പറവൂര് മണ്ഡലത്തില് പ്രതിപക്ഷ നേതാവ് വി.ഡി. സതീശനാണ് തുടക്കം മുതല് ലീഡ് ചെയ്യുന്നത്. പാലക്കാട് ശോഭ സുരേന്ദ്രനാണ് ആദ്യ ലീഡ്. മഞ്ചേശ്വരത്തും എന്ഡിഎയാണ് മുന്നില്. നേമത്ത് ശിവൻകുട്ടിയാണ് ലീഡ് ചെയ്യുന്നത്. തൃശൂരിൽ യുഡിഎഫ് സ്ഥാനാര്ത്ഥി രാജൻ പല്ലനാണ് മുന്നിൽ.
തിരുവനന്തപുരം മണ്ഡലത്തിൽ സി.പി. ജോണാണ് ലീഡില് നില്ക്കുന്നത്. അങ്കമാലിയിൽ റോജി എം. ജോണിനാണ് ലീഡ്. അതേസമയം, കളമശ്ശേരിയിലെ മൂന്നാം നമ്പർ മുറി സ്ട്രോംഗ് റൂം തുറന്നില്ല. പൂട്ട് തകർത്തേക്കും.
