തിരഞ്ഞെടുപ്പ് അടുത്തിരിക്കെ ട്വന്റി-20യ്ക്ക് തിരിച്ചടി. ലക്ഷ്മിപ്രിയയ്ക്ക് പിന്നാലെ ഏറ്റുമാനൂരിലെ ട്വന്റി 20 സ്ഥാനാർത്ഥി വീണാ നായർക്കും വോട്ടില്ല. വീണയ്ക്ക് പകരം സ്ഥാനാര്ത്ഥിയെ കണ്ടെത്താനുള്ള ശ്രമം ട്വന്റി 20 തുടങ്ങിയെന്നാണ് വിവരം. നാളെ നാമനിര്ദേശ പത്രിക നൽകാനുള്ള തയ്യാറെടുപ്പുകള്ക്കിടെയാണ് വോട്ടര് പട്ടികയിൽ പേരില്ലെന്ന് മനസിലാകുന്നത്.
വോട്ടർ പട്ടികയിൽ പേര് ഇല്ലാത്ത സാഹചര്യത്തിൽ, നിയമപരമായി മത്സരിക്കാൻ കഴിയാത്തതിനാൽ വീണാ നായർക്കു പകരം പുതിയ സ്ഥാനാർത്ഥിയെ കണ്ടെത്താനുള്ള ശ്രമം ട്വന്റി-20 ആരംഭിച്ചെന്നാണ് റിപ്പോർട്ടുകൾ. ഇതോടെ തെരഞ്ഞെടുപ്പ് മുന്നോടിയായി സ്ഥാനാർത്ഥി തിരഞ്ഞെടുപ്പിലും സംഘാടന കാര്യങ്ങളിലും വീഴ്ച സംഭവിച്ചോയെന്ന ചർച്ചയും ശക്തമായി ഉയരുന്നു.
അതേസമയം, വിവിധ മണ്ഡലങ്ങളിൽ ശ്രദ്ധേയരായ വ്യക്തികളെ രംഗത്തിറക്കിയാണ് ട്വന്റി-20 ഇത്തവണ മത്സരരംഗത്ത് സജീവമായിരിക്കുന്നത്. ബിജെപിയുടെ എ ക്ലാസ് മണ്ഡലമായ തൃപ്പൂണിത്തുറയില് സിനിമാ താരം അഞ്ജലി നായരാണ് സ്ഥാനാർത്ഥി. ഏറ്റുമാനൂരില് വീണാ നായര്, അങ്കമാലിയില് പ്രോമി കുര്യാക്കോസ്, വൈപ്പിനിൽ നര്ത്തകിയും നടിയും സംരംഭകയുമായ അനിത തോമസ് എന്നിവരാണ് ട്വന്റ് 20 സ്ഥാനാർത്ഥികൾ.
