ഇന്ത്യൻ റെയിൽവേയുടെ അഭിമാന പദ്ധതിയായ വന്ദേ ഭാരത് സ്ലീപ്പർ എക്സ്പ്രസ് ട്രെയിനുകൾ വിപ്ലവകരമായ മാറ്റങ്ങളോടെ ട്രാക്കിലേക്കിറങ്ങാൻ ഒരുങ്ങുന്നു. ദീർഘദൂര യാത്രക്കാർക്കായി കൂടുതൽ സൗകര്യങ്ങളും വേഗതയും വാഗ്ദാനം ചെയ്യുന്ന ഈ ട്രെയിനുകളുടെ ടിക്കറ്റ് നിരക്കുകൾ വിമാനയാത്രയ്ക്ക് സമാനമായിരിക്കുമെന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.
പ്രീമിയം യാത്രക്കാരെ ലക്ഷ്യമിട്ടുള്ള ഈ സർവീസിൽ കൺഫേംഡ് ടിക്കറ്റുകൾ ഉള്ളവർക്ക് മാത്രമേ യാത്ര ചെയ്യാൻ സാധിക്കൂ. ആധുനിക സൗകര്യങ്ങളോട് കൂടിയ എസി കോച്ചുകൾ മാത്രമാണ് ഈ ട്രെയിനുകളിൽ ഉണ്ടാവുക.
