ഫോർട്ട്വർത്ത്: മദ്യലഹരിയിൽ യുവതി ഓടിച്ച വാഹനമിടിച്ച് പോലീസ് ഉദ്യോഗസ്ഥൻ മരിച്ചു. തിങ്കളാഴ്ച പുലർച്ചെ ഫോർട്ട്വർത്ത് അന്തർസംസ്ഥാന എക്സിറ്റ് റാംപിലായിരുന്നു അപകടം.
ഫോർട്ട്വർത്ത് പോലീസ് സർജന്റ് ബില്ലി റാൻഡോൾഫാണ് മരിച്ചത്. പ്രതി ഡി ഔജാലെ ഇവാൻസിനെ(25) പോലീസ് കസ്റ്റഡിയിലെടുത്തു. അപകടത്തിന് ശേഷം വാഹനം നിർത്താതെ പോയ യുവതിയെ പിന്നീട് പോലീസ് അറസ്റ്റ് ചെയ്യുകയായിരുന്നു.
പ്രതിക്കെതിരേ കൊലപാതക കുറ്റം ചുമത്തിയിട്ടുണ്ട്. നിലവിൽ ഇവാൻസ് ടാരന്റ് കൗണ്ടി ജയിലിലാണ്. 29 വർഷമായി റാൻഡോൾഫ് ഫോർട്ട്വർത്ത് പോലീസ് ഡിപ്പാർട്ട്മെന്റിൽ സേവനമനുഷ്ഠിക്കുകയാണ്.
