ഗ്രീൻലാൻഡിന് മേൽ അമേരിക്കൻ നിയന്ത്രണം ഉറപ്പാക്കാനുള്ള പ്രസിഡന്റ് ഡൊണാൾഡ് ട്രംപിൻ്റെ നീക്കങ്ങൾ അന്താരാഷ്ട്ര തലത്തിൽ വലിയ സാമ്പത്തിക പ്രതിസന്ധിക്ക് വഴിവെക്കുന്നു. എട്ട് യൂറോപ്യൻ രാജ്യങ്ങളിൽ നിന്നുള്ള ഇറക്കുമതിക്ക് ട്രംപ് പുതിയ താരിഫ് ഭീഷണി മുഴക്കിയതോടെ ചൊവ്വാഴ്ച വാൾസ്ട്രീറ്റിലെ പ്രധാന സൂചികകളെല്ലാം വലിയ തകർച്ച നേരിട്ടു.
ഒക്ടോബറിന് ശേഷമുള്ള ഏറ്റവും വലിയ ഇടിവാണ് വിപണിയിൽ ദൃശ്യമായത്. മിക്കവാറും എല്ലാ മേഖലകളിലെയും ഓഹരികൾ നഷ്ടത്തിലാണ് വ്യാപാരം അവസാനിപ്പിച്ചത്.
