2026 ലെ ഇടക്കാല തിരഞ്ഞെടുപ്പിന് മുന്നോടിയായി, യുഎസ് പ്രസിഡന്റ് ഡൊണാൾഡ് ട്രംപ് സ്വന്തം കാലാവധിയെക്കുറിച്ച് ആശങ്കയറിയിച്ചു. ഭരണകക്ഷിയായ റിപ്പബ്ലിക്കൻ പാർട്ടി തിരഞ്ഞെടുപ്പിൽ വിജയിക്കുന്നതിൽ പരാജയപ്പെട്ടാൽ, ഡെമോക്രാറ്റുകൾ തന്നെ ഇംപീച്ച് ചെയ്യാൻ നീങ്ങുമെന്ന് പറഞ്ഞു.
“നിങ്ങൾ മിഡ്ടേം തിരഞ്ഞെടുപ്പിൽ ജയിക്കണം, ഞങ്ങൾ മിഡ്ടേം തിരഞ്ഞെടുപ്പിൽ വിജയിച്ചില്ലെങ്കിൽ, അത് അങ്ങനെയായിരിക്കും – അതായത്, അവർ എന്നെ ഇംപീച്ച് ചെയ്യാൻ ഒരു കാരണം കണ്ടെത്തും,” വാഷിംഗ്ടണിൽ ഹൗസ് റിപ്പബ്ലിക്കൻ നിയമസഭാംഗങ്ങൾക്കായുള്ള ഒരു റിട്രീറ്റിൽ ട്രംപ് പറഞ്ഞു. “എന്നെ ഇംപീച്ച് ചെയ്യും,” അദ്ദേഹം കൂട്ടിച്ചേർത്തുവെന്ന് അന്താരാഷ്ട്ര വാർത്താ ഏജൻസിയായ റോയിട്ടേഴ്സ് റിപ്പോർട്ട് ചെയ്തു.
ഈ വർഷം നവംബറിൽ നടക്കാനിരിക്കുന്ന ഇടക്കാല തിരഞ്ഞെടുപ്പിൽ ട്രംപിന്റെ പാർട്ടി പരാജയപ്പെട്ടാലും അദ്ദേഹത്തിന് പ്രസിഡന്റ് സ്ഥാനം നഷ്ടപ്പെടില്ല. എന്നിരുന്നാലും, ട്രംപിന്റെ സമൂലമായ പരിഷ്കാരങ്ങൾ നടപ്പിലാക്കുന്നതിന് നിർണായകമായ കോൺഗ്രസിന് മേലുള്ള റിപ്പബ്ലിക്കൻ പാർട്ടിയുടെ പിടി ദുർബലമാകും, ഇത് ഡെമോക്രാറ്റുകൾക്ക് മുൻതൂക്കം നൽകും.
