വർഷങ്ങളായി യുഎസ് ഗ്രീൻ കാർഡിനായി കാത്തിരിക്കുന്ന ഇന്ത്യൻ പ്രൊഫഷണലുകൾക്ക് വലിയ ആശ്വാസം നൽകിക്കൊണ്ട് യുണൈറ്റഡ് സ്റ്റേറ്റ്സ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസിന്റെ (USCIS) പുതിയ അറിയിപ്പ്. 2026 ജനുവരിയിലെ വിസ ബുള്ളറ്റിൻ പ്രകാരം വിവിധ തൊഴിലധിഷ്ഠിത വിഭാഗങ്ങളിൽ (Employment-based categories) മുൻഗണനാ തീയതികളിൽ വലിയ മുന്നേറ്റമാണ് രേഖപ്പെടുത്തിയിരിക്കുന്നത്.
പ്രത്യേകിച്ച് ഇബി-1 (EB-1), ഇബി-5 (EB-5) വിഭാഗങ്ങളിൽ അപേക്ഷിക്കുന്ന ഇന്ത്യക്കാർക്ക് ഈ നീക്കം വലിയ ഗുണം ചെയ്യും. ഡിസംബറിലെ വിസ ബുള്ളറ്റിന് പിന്നാലെയാണ് ജനുവരിയിലും അനുകൂലമായ മാറ്റങ്ങൾ ഉണ്ടായിരിക്കുന്നത്. ഫൈനൽ ആക്ഷൻ ഡേറ്റ് ചാർട്ട് അല്ലെങ്കിൽ ഡേറ്റ് ഫോർ ഫയലിംഗ് ചാർട്ട് എന്നിവയിൽ ഏത് വേണമെങ്കിലും സ്ഥിരതാമസത്തിനുള്ള അപേക്ഷ സമർപ്പിക്കാൻ ഉപയോഗിക്കാമെന്ന് യുഎസ്സിഐഎസ് വ്യക്തമാക്കിയിട്ടുണ്ട്.
