ഗൂഡല്ലൂര്: ജനവാസ കേന്ദ്രത്തില് കിണറ്റില് വീണ കടുവ ചത്തു. മുതുമല കടുവാസങ്കേതത്തിലെ നെല്ലാക്കോട്ട റേഞ്ച് പരിധിയിലുള്ള മുക്കട്ടി പൊന്നമൂലയിലെ ആള്മറയില്ലാത്ത കിണറ്റിലാണ് കടുവ വീണത്.
ആറു വയസ് മതിക്കുന്ന കടുവയാണ് ചത്തത്. ഇന്നു രാവിലെയാണ് ജഡം സമീപവാസികളുടെ ശ്രദ്ധയില്പ്പെട്ടത്.
മുതുമല കടുവാസങ്കേതം ഡയറക്ടര് കൃപാശങ്കര്, നെല്ലാക്കോട്ട റേഞ്ച് ഫോറസ്റ്റ് ഓഫീസര് ശ്രീനിവാസന് എന്നിവരുടെ നേതൃത്വത്തില് വനപാലകര് സ്ഥലത്തെത്തി തുടര്നടപടി സ്വീകരിച്ചു.
കടുവകള് തമ്മിലുണ്ടായ സംഘട്ടനത്തിനിടെ കാല്തെറ്റി കിണറ്റില് വീണതാണെന്നാണ് വനസേനാംഗങ്ങളുടെ അനുമാനം.
