ബ്ലോക്ക്ബസ്റ്റർ മലയാള ചിത്രമായ ‘മഞ്ഞുമ്മൽ ബോയ്സിന് പ്രചോദനമായ, കൊടൈക്കനാലിലെ ഗുണ കേവിൽ അപകടത്തിൽപ്പെട്ട് മരണത്തെ മുഖാമുഖം കണ്ട സുഭാഷ് ചന്ദ്രൻ തദ്ദേശ തിരഞ്ഞെടുപ്പിൽ തൻ്റെ ഭാഗ്യം പരീക്ഷിക്കാനിറങ്ങുകയാണ്. എറണാകുളം ഏലൂർ നഗരസഭയിലെ 27-ാം വാർഡിൽ കോൺഗ്രസ് സ്ഥാനാർത്ഥിയായാണ് ഇദ്ദേഹം ജനവിധി തേടുന്നത്. ശക്തമായ ത്രികോണ മത്സരം നടക്കുന്ന വാര്‍ഡാണ് മാടപ്പാട്ട്.
2006 സെപ്റ്റംബർ 3-നാണ് മഞ്ഞുമ്മലിൽ നിന്നുള്ള ഒമ്പത് സുഹൃത്തുക്കളോടൊപ്പം സുഭാഷ് ചന്ദ്രൻ ഗുണ കേവിൽ പോയത്. ഒരു വിടവ് മുറിച്ചുകടക്കുന്നതിനിടെ അദ്ദേഹം ആഴമുള്ള കുഴിയിലേക്ക് വീണു. സുഹൃത്ത് സിജു ഡേവിഡിൻ്റെ നേതൃത്വത്തിൽ നടന്ന ഹൃദയസ്പർശിയായ രക്ഷാപ്രവർത്തനമാണ് അദ്ദേഹത്തെ ജീവിതത്തിലേക്ക് തിരികെ കൊണ്ടുവന്നത്.
