തൃശൂർ: നാട്ടിക മണ്ഡലത്തിലെ പേയ്മെന്‍റ് സീറ്റ് വിവാദത്തിൽ പ്രതികരിച്ച് മുൻ എംഎല്‍എയും സിപിഐ നേതാവുമായ ഗീതാ ഗോപി. പാർട്ടി ഏൽപ്പിച്ച ചുമതല നിർവഹിക്കലാണ് ഇപ്പോൾ ലക്ഷ്യമെന്നും മറ്റൊന്നും തനിക്കറിയില്ലെന്നും ഗീത ഗോപി വ്യക്തമാക്കി.

ആരോപണങ്ങളെക്കുറിച്ച് പാർട്ടി മറുപടി പറയും. രണ്ട് തവണ നെഞ്ചേറ്റിയ നാട്ടികയിലെ ജനങ്ങൾ ഇത്തവണയും തന്നെ സ്വീകരിക്കും. തന്നെ ജനങ്ങൾക്ക് അറിയാമെന്നും ഗീതാ ഗോപി വ്യക്തമാക്കി.

ഗീ​ത ഗോ​പി​ക്കും പാ​ർ​ട്ടി​ക്കു​മെ​തി​രെ പൊ​ട്ടി​ത്തെ​റി​ച്ച് സി.​സി. മു​കു​ന്ദ​ൻ എം​എ​ൽ​എ രം​ഗ​ത്തു​വ​ന്നതിനു പിന്നാലെയാണ് നാട്ടികയിൽ വിവാദം ഉടലെടുത്തത്. ഗീ​ത ഗോ​പി​യ്ക്ക് പ​ണം പി​രി​ച്ചു ന​ൽ​കാ​ൻ ക​ഴി​വു​ണ്ട്. എ​ന്നാ​ൽ മോ​ശം പ്ര​ക​ട​നം ന​ട​ത്തി​യ അ​വ​രെ സ്ഥാ​നാ​ർ​ഥി​യാ​ക്കു​ന്ന​ത് ശ​രി​യ​ല്ലെ​ന്നും മു​കു​ന്ദ​ൻ പ​റ​ഞ്ഞു.

നി​ല​വി​ലെ എം​എ​ൽ​എ മു​കു​ന്ദ​നെ മാ​റ്റി മു​ൻ എം​എ​ൽ​എ ആ​യി​രു​ന്ന ഗീ​താ ഗോ​പി​യെ മ​ത്സ​രി​പ്പി​ക്കാ​ൻ സി​പി​ഐ തീ​രു​മാ​നി​ച്ചി​രു​ന്നു. ഇ​തി​നെ​തി​രെ​യാ​ണ് മു​കു​ന്ദ​ൻ രം​ഗ​ത്തെ​ത്തി​യ​ത്. പാ​ർ​ട്ടി​ക്ക് പ​ണം പി​രി​ച്ചു ന​ൽ​കാ​ൻ ത​നി​ക്കാ​വി​ല്ല. ഗീ​താ ​ഗോ​പി​ക്ക് സീ​റ്റ് ന​ൽ​കു​ന്ന​ത് സാ​മ്പ​ത്തി​ക സ്വാ​ധീ​നം മൂ​ല​മാ​ണ്. പാ​ർ​ട്ടി സീ​റ്റ് ത​ന്നി​ല്ലെ​ങ്കി​ലും മ​ൽ​സ​രി​ക്കു​മെ​ന്നും സി.​സി. മു​കു​ന്ദ​ൻ എം​എ​ൽ​എ നി​ല​പാ​ട് വ്യ​ക്ത​മാ​ക്കി.

പാ​ർ​ട്ടി​യി​ൽ വി​ഭാ​ഗീ​യ​ത​യു​ണ്ട്. സി​പി​ഐ​യി​ലെ വി​ഭാ​ഗീ​യ​ത കാ​ര​ണം ഒ​ഴി​വാ​ക്ക​പ്പെ​ടു​ക​യാ​ണ്. ചേ​ർ​പ്പ് മ​ണ്ഡ​ലം ക​മ്മി​റ്റി ത​ന്‍റെ പേ​ര് നി​ർ​ദേ​ശി​ക്കാ​ത്ത​തി​ന് പി​ന്നി​ൽ വി​ഭാ​ഗീ​യ​ത​യാ​ണ്. ത​ന്നെ ഒ​ഴി​വാ​ക്കു​ന്ന​തി​നെ കു​റി​ച്ച് പാ​ർ​ട്ടി ഒ​ന്നും പ​റ​ഞ്ഞി​ട്ടി​ല്ല. ര​ണ്ട് ടേം ​എ​ല്ലാ എം​എ​ൽ​എ​മാ​ർ​ക്കും ന​ൽ​കി​യെ​ന്നും ത​ന്നെ മാ​ത്രം പാ​ർ​ട്ടി ഒ​ഴി​വാ​ക്കി​യെ​ന്നും എം​എ​ൽ​എ പ​റ​ഞ്ഞു.