താങ്ക്സ്ഗിവിംഗ് ഡേയ്ക്കു മുന്നോടിയായി ഒരാളോടെങ്കിലും നന്ദി പറയാൻ ശ്രമിക്കണമെന്ന് ലെയോ പതിനാലാമൻ മാർപാപ്പ. ഈ ദിനം എല്ലാ മതവിഭാഗങ്ങളെയും ഒരുമിപ്പിക്കുന്ന മനോഹരമായ ദിനമാണെന്നും പാപ്പ പറഞ്ഞു.
ലെബനോനിലേക്കുള്ള തന്റെ സന്ദർശനത്തിനു മുൻപായി അവിടെ നിലനിൽക്കുന്ന അക്രമസാഹചര്യങ്ങളെക്കുറിച്ചുള്ള മാധ്യമങ്ങളുടെ ചോദ്യങ്ങൾക്കു മറുപടിയായി, അക്രമം എപ്പോഴും ആശങ്കാജനകമാണെന്നും പ്രശ്നങ്ങൾ പരിഹരിക്കാൻ ആയുധങ്ങളെ ആശ്രയിക്കുന്നത് അവസാനിപ്പിക്കണമെന്നും പാപ്പ പറഞ്ഞു. പരസ്പരബഹുമാനത്തോടെ സംസാരിച്ച് സമാധാനപരമായ പരിഹാരങ്ങൾ തേടണമെന്നും പാപ്പ കൂട്ടിച്ചേർത്തു. അനീതികളാണ് പലപ്പോഴും അക്രമത്തിന്റെ കാരണമെന്ന് പാപ്പ ചൂണ്ടികാട്ടി. അതേസമയം, പാപ്പയുടെ പ്രഥമ അപ്പസ്തോലിക സന്ദർശനമായ തുര്‍ക്കിയിലേക്കും ലെബനോനിലേക്കുമുള്ള യാത്ര നവംബർ 27 ന് ആരംഭിക്കും.
