കോഴിക്കോട്: താമരശേരി ചുരത്തിലൂടെ കാറിന്‍റെ ഡോറിൽ ഇരുന്ന് യുവാവിന്‍റെ അപകടയാത്ര. തമിഴ്‌നാട് രജിസ്ട്രേഷനുള്ള കാറിലാണ് യുവാവ് അപകടകരമായി ചുരത്തിലൂടെ യാത്ര നടത്തിയത്.
ഇന്ന് ഉച്ചയ്ക്ക് രണ്ടിനായിരുന്നു സംഭവം. പുറകില്‍ വന്ന യാത്രക്കാരാണ് അപകടകരമായ യാത്രയുടെ ദൃശ്യങ്ങള്‍ പകര്‍ത്തിയത്. ഇത് ആര്‍ടിഒയുടെ ശ്രദ്ധയില്‍പ്പെടുത്തുമെന്നാണ് നാട്ടുകാരും ചുരം സംരക്ഷണ സമിതിയും അറിയിച്ചത്
ഇതാദ്യമായിട്ടല്ല ഇതിനു മുൻപും അപകടകരമായ യാത്രകൾ ഇവിടെ ഉണ്ടായിട്ടുണ്ട്. ആ സമയങ്ങളിൽ മോട്ടോർ വാഹനവകുപ്പ് നിയമലംഘകർക്കെതിരെ ശക്തമായ നടപടിയും സ്വീകരിച്ചിരുന്നു.
