2002-ൽ പുറത്തിറങ്ങിയ ‘തുള്ളുവതോ ഇളമൈ’ എന്ന ചിത്രത്തിലെ അഭിനയത്തിലൂടെ പ്രശസ്തനായ തമിഴ് നടൻ അഭിനയ് ( 44) അന്തരിച്ചു. കരൾ രോഗത്തെ തുടർന്ന് ഏറെ നാളായി ചികിത്സയിലായിരുന്നു. ചികിത്സയ്ക്കായി സാമ്പത്തിക സഹായം തേടിയ അഭിനയ് കരൾ രോഗവുമായുള്ള പോരാട്ടം സമീപ വർഷങ്ങളിൽ പരസ്യമാക്കിയിരുന്നു.
അദ്ദേഹത്തിന്‍റെ മൃതദേഹം നിലവിൽ ചെന്നൈയിലെ വീട്ടിലാണ്. അന്ത്യകർമങ്ങൾ നടത്താൻ കുടുംബാംഗങ്ങൾ ഇല്ലാത്തതിനാൽ സ്ഥിതിഗതികൾ വിലയിരുത്താനും ശവസംസ്കാരം നടത്താനും നടികർ സംഘത്തിന്‍റെ പ്രതിനിധികളോട് ആവശ്യപ്പെട്ടിട്ടുണ്ട്.
