വെള്ളിയാഴ്ച ഡൽഹിയിൽ നടന്ന താലിബാൻ പത്രസമ്മേളനത്തിൽ നിന്ന് വനിതാ മാധ്യമപ്രവർത്തകരെ ഒഴിവാക്കിയതിൽ തങ്ങൾക്ക് പങ്കില്ലെന്ന് കേന്ദ്ര സർക്കാർ. അഫ്ഗാൻ വിദേശകാര്യ മന്ത്രി ആമിർ ഖാൻ മുത്താക്കി പ്രസംഗിച്ച പരിപാടിയ്ക്കെതിരെ കോൺഗ്രസ് നേതാവ് പ്രിയങ്ക ഗാന്ധി വാദ്ര ഉൾപ്പെടെയുള്ള പ്രതിപക്ഷ നേതാക്കൾ രൂക്ഷമായി വിമർശിച്ചതിന് പിന്നാലെയാണ് സർക്കാർ പ്രതികരിച്ചത്.
“ഇന്നലെ ഡൽഹിയിൽ അഫ്ഗാൻ വിദേശകാര്യ മന്ത്രി നടത്തിയ പത്രസമ്മേളനത്തിൽ വിദേശകാര്യ മന്ത്രാലയത്തിന് പങ്കില്ല” എന്ന് ഔദ്യോഗിക വൃത്തങ്ങൾ വ്യക്തമാക്കി.
മുത്തഖി നടത്തിയ പത്രസമ്മേളനത്തിൽ ഒരു വനിതാ പത്രപ്രവർത്തകയും ഉണ്ടായിരുന്നില്ല , ഇത് ഇന്ത്യൻ മണ്ണിൽ ഇത്തവണ താലിബാന്റെ ലിംഗ പക്ഷപാതത്തിനെതിരെ വ്യാപകമായ വിമർശനത്തിന് കാരണമായി. പുരുഷന്മാർ മാത്രമുള്ള പത്രപ്രവർത്തക സദസ്സിനെ താലിബാൻ നേതാക്കൾ അഭിസംബോധന ചെയ്യുന്നതായി പരിപാടിയിൽ നിന്നുള്ള ചിത്രങ്ങൾ കാണിച്ചു.
