തൃശൂര്: ഷാപ്പില് വച്ച് യുവതിയെയും സുഹൃത്തിനെയും ആക്രമിച്ച് പരിക്കേല്പ്പിച്ച കേസില് രണ്ടു പേര് അറസ്റ്റില്. തൃശൂര് ദിവാന്ജിമൂല സ്വദേശികളായ ഷാനിബ് (25), അല്ത്താഫ് (24) എന്നിവരെയാണ് തൃശൂര് റൂറല് പോലീസ് അറസ്റ്റ് ചെയ്തത്. ഈ മാസം 14ന് അന്തിക്കാട് പുള്ള് താമരപ്പാടം ഷാപ്പിൽ വൈകുന്നേരം 5.30 ഓടെയായിരുന്നു ആക്രമണം.
ഷാപ്പില് ഭക്ഷണം കഴിക്കാനെത്തിയ വടൂക്കര സ്വദേശി അലനും സുഹൃത്തായ യുവതിക്കും നേരെയായിരുന്നു ആക്രമണം. അലന്റെ പേരിലുള്ള പഴയ ക്രിമിനല് കേസുകളെക്കുറിച്ച് പ്രതികള് സംസാരിക്കാന് തുടങ്ങിയപ്പോള് കേസുകളെക്കുറിച്ച് പറയേണ്ടെന്ന് യുവതി പറഞ്ഞു.
തുടർന്ന് പ്രതികള് അലനെ മര്ദിക്കുകയും തടയാന് ശ്രമിച്ച യുവതിയുടെ തലയിൽ പൊട്ടിയ ബിയര് കുപ്പികൊണ്ട് അടിക്കാന് ശ്രമിക്കുകയും ചെയ്തു. ഇത് കൈകൊണ്ട് തടഞ്ഞ യുവതിയുടെ കൈപ്പത്തിയിൽ പരിക്കേറ്റു. തുടര്ന്ന് യുവതിയെ മര്ദിക്കുകയും അസഭ്യം പറയുകയും ചെയ്തെന്നാണ് കേസ്. കൂടാതെ വധഭീഷണിയും മുഴക്കി ആക്രമികൾ.
